Zaev: Referendumin do ta organizojmë edhe pa OBRM-PDUKM-në

Kryeministri Zoran Zaev beson se deri më 30 korrik Kuvendi do të sjell vendim për nënshkrimin e referendumit, i cili siç tha kryeministri, do të organizohet edhe pa OBRM-PDUKM-në, në rast se nuk arrihet marrëveshje me ata.

Zaev tha se ata duhet të tregojnë qëndrimin e tyre, nëse janë për bojkot, për dalje në referendum dhe votim kundër, ose për mbështetje të referendumit, përcjell Telegrafi Maqedoni.

Lexo po ashtu Referendumi për emrin në Maqedoni, si janë mundësitë reale në krahasim me zgjedhjet e vitit 2016?

“Nëse nuk arrihet marrëveshje me OBRM-PDUKM-në pritet pozicionim edhe i deputetëve të tyre për nënshkrimin e referendumit. Ata duhet të tregojnë se cili është qëndrimi i tyre. A janë për bojkot, a janë për thirrje për referendum, për votim kundër. Kjo është e drejta et tyre, por detyrim i të gjithëve është që të sigurojnë që procesi të jetë i suksesshëm”, tha Zaev, i cili mori pjesë në investimin e kompanisë turke në Bunarxhik të Shkup.

Ai tha se nuk e sheh të arsyeshme që të ketë takim tjetër mes liderëve, ndërsa shtoi se takim mund të thërrasë kryetari i opozitës Hristijan Mickoski.

Zoran Zaev apeloi që referendumi të jetë i suksesshëm dhe të garantohen besueshmëria e atyre që do të votojnë./Telegrafi/