Shteti i Izraelit ofron 100 bursa në fushën e sigurisë për zyrtarët shtetëror

Janë 100 zyrtarë shtetërorë që do të fitojnë bursa nga Instituti për Menaxhment Ndërkombëtar në Izrael, në fushën e sigurisë.

Këtë e ka bërë të ditur ministrja e Drejtësisë, Dhurata Hoxha, e cila nga 22-25 nëntor ka ligjëruar në Institutin për Menaxhment Ndërkombëtar.

Ajo këtë e ka bërë të ditur në profilin e saj në Facebook, ku ka treguar se ky institucion bashkëpunon me qeveritë e më shumë se 170 shteteve të botës, në ndërtimin e kapaciteteve në fushat, si siguria kombëtare, zhvillimi ekonomik dhe menaxhimi shëndetësor.

Më poshtë mund ta lexoni postimin e plotë të Hoxhës:

“Prej 22 deri 25 nëntor pata privilegjin që të ligjëroj në Institutin për Menaxhment Ndërkombëtar në Izrael, institut ky i mirënjohur në Izrael i cili bashkëpunon me qeveritë e mëse 170 shteteve të botës në ndërtimin e kapaciteteve të tyre në fushat si siguria kombëtare, zhvillimi ekonomik dhe menaxhimi shëndetësor. Isha e ftuar në cilësinë e Ministres së Integrimeve të Republikës së Kosovës por edhe si profesoreshë dhe eksperte e specializuar në fushën e sigurisë ndërkombëtare, inteligjencës dhe luftës kundër terrorizmit. Pata nderin që të ju ligjërojë studentëve të doktoratës që në të njëjtën kohë janë zyrtarë të lartë të shteteve të fuqishme afrikane si Nigeria, Angola, Tanzania dhe Botswana. Gjatë vizitës zyrtare në Izrael pata nderin që të takohem me shumë zyrtarë dhe ish zyrtarë të lartë të sigurisë kombëtare të shtetit të Izraelit të cilët shprehën gatishmërinë që të ndihmojnë Kosovën në fuqizimin e kapaciteteve njerëzore në fushën e sigurisë kombëtare dhe inteligjencës duke përfituar nga praktikat më të mira të shtetit të Izraelit. Unë theksova rëndësinë që të rinjtë e vendit tonë të përfshihen sa më shumë në aktivitete me qëllim të ngritjes së kapaciteteve dhe tu ofrohet të rinjve tanë mundësia e shkollimit në Universitete dhe Institutet e Izraelit. Me kënaqësi ju njoftoj se kërkesa ime u pranua dhe si rrjedhojë nëpërmjet Institutit për Menaxhment Ndërkombëtar, Izraeli ofroi ndihmën e tij në formë të 100 bursave për zyrtarët shtetëror të Kosovës në fuqizimin e kapaciteteve në fushën e sigurisë nacionale, teknologji, bujqësi, inovacion dhe menaxhment shëndetësor.

Ritheksoj, rëndësinë e shkollimit dhe shkëmbimit të përvojave të zyrtarëve tanë me vendet e tjera”. /Telegrafi/