Babai i McGregor thotë se ai s’ka frikë nga asgjë – Telashet e McGregor pasi rrahu të afërmin e krye-kriminelit britanik (Foto)

Babai i luftëtarit të arteve të përziera marciale, Conor McGregor, ka hedhur opshtë pohimet se kampioni i UFC është përfshirë në një zënkë në kafeteri me një të afërm të një familje kriminale irlandeze.

Tony McGregor thotë se spekulimet se familja McGregor është kërcënuar pas rrahjes së djailt të tij në kafene me anëtarin e familjes së famshme kriminale janë “thashetheme absolute”.

Sipas disa raportimeve, 29 vjeçari McGregor ka rrahur Graham Whelan, anëtarin e vjetër të kartelit të frikshëm të drogës, Kinahan, në një lokal në Dublin të dielën mbrëma.

Policia irlandeze nuk ka pranuar ende ndonjë paraqitje të rastit pas rrahjes në këtë kafeteri, ku të dy u grushtuan dhe u goditën në fytyrë.

Të mërkurën gjatë ditës ishte pohuar se karteli Kinahan ka kërkuar 900 mijë euro nga McGregor në formë “haraqi” për ta “ruajtur veten”, edhe pse nuk dihet nëse ata kanë kërkuar një gjë të tillë para apo pas rrahjes të dielën.

Sidoqoftë, të gjitha raportimet se McGregor ishte përfshirë në një incident fizik janë mohuar nga babai i tij Tony.

“Të gjitha janë thashetheme. Absolutisht thashetheme”, tha ai për Irish Mirror.

“Është fryrë ky tregim dhe po bëhet qesharak, po bëhet komike. Ne nuk kemi pse të frikësohemi apo diçka të tillë. Askush nuk është duke na ndjekur për asgjë”, thekson ai.

Kur u pyet nëse është kontaktuar nga policia, ai u përgjigj: “Pse do të duhej?”.

McGregor postoi një foto në Instagram në orët e hershme të së martës duke mbuluar fytyrën në të njëjtën formë që njerëzit e bëjnë kur duan të fshehin identitetin e tyre.

Burime të sigurta të Daily Mail thonë se policia ende nuk ka filluar të hetojë rastin në kafeterinë e Dublinit, ku thuhet se një njeri rreth 50 vjeç u godit dy herë në fytyrë.

Burri rreth 50 vjeç, i cili është i lidhur me kartelin Kinahan, por vet nuk është i përfshirë në aktivitete kriminale, hyri për të intervenuar pasi një burrë tjetër u qëllua me një goditje në kokë.

Grupi kriminal Kinahan udhëhiqet nga “Dapper Don” Christy Kinahan dhe djali i tij Daniel.

Burime të afërta me institucionet e sigurisë dyshojnë se karteli Kinahan mund “të intervenojë” për të “tentuar të zvogëlojë” problemin para se të “eskalojë”.

“Askush nuk dëshiron të shohë një prej profileve më të larta irlandeze në sport dhe ikonën e të gjithë fëmijëve, në një problem të madh ku janë të përfshirë kriminelë seriozë. Ekziston mundësia që karteli tash mund të përfshihet për të ndalur dikë që të eskalojë ky problem. Conor McGregor është i pëlqyer dhe i respektuar”, thotë një burim.

Sipas po këtyre burimeve, thuhet se policia nuk e ka ndërmend që të lansojë ndonjë proces hetimor derisa të mos ngritet ndonjë akuzë prej dikujt.

Pronarë të kafeterisë në jug të Dublinit ku ndodhi sulmi në fjalë mohuan që të komentojnë për Daily Mail, duke thënë se “nuk janë në dijeni” për një incident të dhunshëm.

Të tjerë zëdhënës të McGregorit refuzuan që të komentojnë për këtë temë të mërkurën.

Mësohet se McGregor u largua nga vendi i ngjarjes me veturën e tij 4×4 pas përleshjes. Dy burrat që u goditën në këtë përplasje nuk pësuan lëndime serioze.

Daily Mail mëson se një burrë, i njohur për McGregorin, ishte përfshirë në një incident me një mashkull tjetër në zonën Crumlin javë më parë.

Kjo thuhet të ketë qenë aryseja e përleshjes në kafeterinë e Dublinit.

Incidenti në kafeteri është diskutuar shumë në rrjetet sociale mbrëmjen e kaluar.

Që prej humbjes nga Floyd Mayweather verën e kaluar, McGregor ka qenë jashtë syrit të publikut. Sidoqoftë, ai ishte përfshiër në një ngjarje kontraverse disa javë më parë kur hyri efasisht në një ngjarje në 3Arena të Dublinit.

Lexo po ashtu McGregor futet në kafaz për të festuar në 3Arena të Dublinit pas fitores së shokut të tij, godet një gjyqtar dhe zyrtar (Foto/Video)

Ai hyri në ringun tetëkëndësh për të festuar me një luftëtar fitues dhe u shfaq duke e sulmuar një zyrtar të ndeshjes i cili tentoi at largonte nga ringu. Ai po ashtu u shfaq në një emision në RTE, ku ai kërkoi falje për një incident ku ai u shfaq homofobik.

McGregor nuk ka luftuar në UFC që prej se e mposhti Eddie Alvarezin në New York një vit më parë.

Vitin e ardhshëm McGregor kthehet në ring për të mbrojtur titullin e tij në UFC ndaj Tony Ferguson. /Telegrafi/