MPB ende nuk ka identifikuar personat që me armë zjarri festonin fitoren e BDI-së në Çair

Ministria e punëve të brendshme ende punon në vërtetimin e identitetit të personave që gjuanin me armë zjarri në sheshin “Skenderbeu” gjatë festimeve të BDI-së pas fitores në rrethin e parë zgjedhor në komunën e Çairit. Në pyetjen se a janë ngritur padi penale për prishje të rendit dhe qetësisë publike, nga policia thonë se deri më tani janë kryer biseda informative me katër persona.

“Nga nëpunësit policorë të SPB Shkup janë ndërmarrë masa dhe aktivitete në suaza të të cilave, ndër të tjera, janë kryer biseda me katër persona. Gjithashtu, pas dhënies së urdhërit nga prokurori publik janv kërkuar incizimet nga kamerat dhe punohet në verifikimin e identitetit të personave të përfshirë në ngjarje dhe pvr ndriçim të plotë të rastit”, thonë nga MPB.

Nga kjo ngjarje kanë kaluar më shumë se një muaj, ndërsa ministri i punëve të brendshme, Oliver Spasovski menjëherë pas ngjarjeve deklaroi se do të pasojnë sanskione përkatëse për ato që me të shtëna festuan fitoren zgjedhore në Çair dhe tha se policia nuk do të punojë në mënyrë selektive./Telegrafi/