Thimonier: Të gjitha partitë duhet të pajtohen për takimin eventual në Paris

“Takim eventual i partive politike të Maqedonisë në vilën “Zhan Mone” në Paris duhet të jetë rezultat i gatishmërisë së tyre që të gjithë të marrin pjesë dhe të punojnë së bashku që ta përshkojnë rrugën drejt Bashkimit Evropian. Nëse nuk mund të arrijnë marrëveshje, do të shtrohet pyetja se cili do të jetë vendi i Maqedonisë në Union”, konsideron ambasadori francez në Maqedoni, Christian Timonie.

Ai më tej shtoi se duhet para se gjithash partitë duhet të jenë dakord që të vijnë së bashku në vilën në Paris, përcjell Telegrafi Maqedoni.

“Duhet para se gjithash të gjithë të jenë dakord që të vijnë së bashku në vilën në Paris dhe në njëfarë mënyre ky është parakusht. Unë mësova se ka marrëveshje parimore që në njëfarë mënyre janë arritur. Megjithatë, nëse marrëveshja mes partive nuk mund të bëhet në Maqedoni, atëherë mund të takohen në Paris. Për ne, para se gjithash, kjo është punë e partive të Maqedonisë, ndërsa ne do të jemi vetëm nikoqir qëllim-mirë”, deklaroi Timonie, duke u përgjigjur në pyetjen e gazetarëve lidhur me idenë që politikanë të Maqedonisë të bisedojnë në vilën Zhan Mone në Paris, si dhe për qëndrimin e OBRM-PDUKM-së se problemet në Maqedoni duhet të zgjidhen në institucionet e Maqedonisë.

Në çdo rast, shton Timonier partitë duhet të mënyrë plotësisht konkrete të gjejnë mundësi që të punojnë së bashku me qëllim që ta përshkojnë rrugën drejt Bashkimit Evropian.

“Nëse partitë e Maqedonisë nuk arrijnë të gjejnë mënyrë që të punojnë së bashku, mund të pyetemi se cili do të jetë vendi i Evropës në Maqedoni”, deklaroi Timonie, i cili paradite në Manastir merr pjesë në Ditën shkencore kushtuar Luftës së Parë Botërore, me temë “Shoqëritë ballkanike në Luftën e Parë Botërore”, në të cilin marrin pjesë ekspertë nga Franca, Rumania, Shqipëria, Serbia dhe nga Maqedonia./Telegrafi/