Parashikimi i motit për vjeshtën në Evropë

Accuweather, kompania amerikane e parashikimit të motit, ka publikuar të dhëna për temperaturat dhe kushtet klimaterike të vjeshtës së këtij viti.

Në rajonin e Ballkanit, duket se vera e nxehtë dhe e thatë do t’i lërë vendin një klime lehtësuese.

Zona e shënuar me jeshile që prek edhe veriun e vendit do të mbizotërohet nga reshjet e shiut, që do t’i vijnë në ndihmë thatësirës dhe zjarreve.

Ndërsa, për pjesën jugore të Ballkanit, por edhe për Italinë Qendrore, shirat do të fillojnë pas 1
shtatori të nxehtë e të thatë, i cili shton rrezikun për vatra të reja zjarri, shkruan Scan.

Për Shqipërinë, shtatori do të vijë me temperatura më të larta se pjesa tjetër e Evropës, për atë që pritet të jetë një vjeshtë e ngrohtë. Ky mot i vjen në ndihmë fermerëve që janë prekur nga ngricat e pranverës dhe valëve të tmerrshme të të nxehtit në verë.

Shirat do të fillojnë vetëm në tetor dhe do rriten gradualisht me kalimin e muajve.

Këto temperatura nuk pritet të jenë problematike, ndryshe nga Evropa Qendrore e cila do të vuajë nga periudha thatësire, ku më shqetësuese do të jetë në gadishullin Iberik. Bashkë me mungesën e reshjeve, vjeshta për Poloninë, Gjermaninë, Francës, Spanjën e Portugalinë do të shoqërohet me shumë rreze dielli dhe me temperatura mbi normalen.

“Por, kjo kohë e thatë nuk do të zgjasë shumë, teksa një periudhë disa javore me shira do të prekë Evropën Qendrore në Tetor”, shprehet meteorologu i Accuweather Tyler Roys.

Shtatori do të jetë i thatë dhe i nxehtë edhe për Britaninë e Madhe dhe do të pasojë një verë më të lagësht se zakonisht, e cila prishi planet e fundjavave për shumë ishullorë.