“Po du me t’pa” thonë Albatrit Muqiqi dhe Genta Ismajli, dyshja shpalosin detajet e bashkëpunimit të ri (Foto)

Këngëtarët e njohur Albatrit Muqiqi, Nurteel dhe Genta Ismajli së shpejti do të sjellin në treg bashkëpunimin e tyre më të ri.

“Po du me t’pa” titullohet kënga e tyre më e re, të cilën treshja do ta sjellin së shpejti edhe me videoklip, xhirimet e të cilin kanë përfunduar së fundmi.

Në një bisedë për Telegrafin, Albatriti dhe Genta kanë rrëfyer detajet e këtij bashkëpunimi mjaft interesant.

“Ideja për bashkëpunim ka qenë e imja dhe e Nurteel-it, që ta ftojmë Gentën në këngë, muzikën e së cilës e ka punuar Nurteel, titulli i së cilës do të jetë ‘Po du me t’pa”, tha Albatrit Muqiqi për Telegrafin.

Lexo po ashtu Yjet e estradës që u bënë prindër për herë të parë gjatë 2017-s (Foto)

Ndërkohë në anën tjetër, edhe Genta shprehet e kënaqur nga ky bashkëpunim, duke treguar që ka pranuar me kënaqësi ftesën nga Albatriti.

“Ftesën për këtë bashkëpunim e mora nga Albatriti, dhe e pranova me shumë kënaqësi. Jam ndarë e kënaqur, pasi është një këngë shumë ritmike dhe veore, e cila na shkon për shtat shumë të dyve”, tha Genta Ismajli për Telegrafin.

Në vazhdimin e bisedës, për Telegrafin, Albatriti zbuloi lokacionet në të cilat janë kryer xhirimet e këtij klipi, që do të jetë shumë veror.

“Brenda klipit do të ketë shumë risi. Është xhiruar një hotel në Mal të zi, me pamje mahnitëse nga bregdeti. Besoj do të jetë diçka e bukur, që do t’ju pëlqejë të gjithëve”, tregon më tej Albatriti.

Lexo po ashtu Të gjitha lajmet nga Estrada Shqiptare

Sezoni veror do të jetë shumë i ngarkuar për këngëtarët, të cilët zbuluan aktivitetet me të cilat po merren.

“Kam shumë angazhime në projekte të reja dhe koncerte. Pas këtij bashkëpunimi shumë shpejt, do të lansohet edhe një tjetër projekt, i cili është gati”, përfundoi Albatrit Muqiqi për Telegrafi.

Telegrafi ka përcjell nga afër xhirimet e këtij klipi të kryera në Mal të Zi, dhe ju prezantojmë në vazhdim me disa prej skenave ekskluzive nga klipi “Po du me t’pa”.

Kënga do të publikohet shumë shpejt, ndërsa klipi është duke u punuar nga produksioni XL Films. /Telegrafi/