Monika Salihu i kërkon publikisht duet MC Kreshës (Video)

Këngëtarja Monika Salihu për një kohë të gjatë i ka munguar skenës, megjithatë prapëseprapë vazhdon të mbahet mend nga publiku për këngët e saj ndër vite.

Por “Çika e boksierit” ka treguar se mendon që në një të ardhme të afërt t’i rikthehet muzikës. Arsyeja se pse ajo ka pushuar për kaq kohë, ka qenë përkushtimi ndaj familjes dhe siç thotë ajo mospërshtatja me tregun.

Në një intervistë për Prive, këngëtarja rrëfeu se ka kaluar presion psikologjik për pesë muaj kur babai i saj, boksieri Azis Salihu ishte i sëmurë dhe për një periudhë mjaft të gjatë nuk kishte fare përmirësime.

Por, tani që gjithçka është rregulluar Monika u shpreh se dëshiron që në një të ardhme ta veshë fustanin e bardhë dhe t’i rikthehet muzikës.

E pyetur se me çfarë projekti do të donte të rikthehej, këngëtarja tregoi se i duhet një lloj “mbështetje” për bashkëpunim.

Ndërsa për emrat me të cilët do të realizonte duet, Monika është shprehur: “Po e them publikisht, do doja një bashkëpunimin me MC Kreshën, pasi unë e kam pranuar atë në albumin tim të parë në një këngë, kur ai s’ishte i famshëm”.

Ndërsa e pyetur nëse ka ndonjë simpati për reperët tjerë, këngëtarja tha se edhe Majku s’është keq. /Telegrafi/