Grubi: Nënshkrimet janë formalitet, për ne më e rëndësishme është kërkesa e shqiptarëve (Foto)

Shefi i kabinetit të BDI-së, Artan Grubi, në profilin e tij zyrtarë në Facebook, ka arsyetuar mbështetjen e BDI-së për LSDM-në, duke thënë se nënshkrimet janë vetëm formalitet, ndërsa për ta më e rëndësishme është kërkesa e shqiptarëve, njofton Telegrafi Maqedoni.

Ai gjithashtu shkruan se më pas do të diskutojnë për pjesëmarrje në qeveri me LSDM-në.

“Për ne gjithëmonë ishte më e rëndësishme përmbajtja dhe jo forma. Përmbajtja ishin të arriturat e shqiptarëve, ndërsa forma ishte dhënia e nënshkrimeve ose edhe pjesëmarrja në qeveri. Pas arritjes së imponimit të plotë dhe të pakushtëzuar të ligjit tonë për gjuhën shqipe dhe zbatimit të të gjitha pikave të Deklaratës së Përbashkët Shqiptare, nënshkrimet janë vetëm formalitet. Me rëndësi është që ne të zbatojmë atë që duan shqiptarët, ndërsa pjesëmarrja në ekzekutiv ose mbetja në përkrahje të një qeverie pakice do tē diskutohet më pas sepse parësore për ne janë të arriturat shqiptare si parakusht absolut”, shkruan Grubi./Telegrafi/