RDK: Përveç Shqipërisë, reforma në drejtësi i duhet edhe Maqedonisë

Rilindja Demokratike Kombëtare në një komunikatë për Telegrafi Maqedoni, pas ndryshimeve të Ligjit për reforma në Shqipëri, edhe Maqedonia ka nevojë për reforma, sidomos në atë të drejtësisë.

‘RDK vlerëson se sjellja e Ligjit për reforma në drejtësi në Shqipëri është akti më i lartë patriotik, ku njëherë e përgjithmonë i vëndohet vula përfundimtare filozofisë komuniste, krimit, korrupSionit, mungesës së ligjit, dhe gjith asaj që nënkupton njëmendësi destruktive…Në të njëjtën kohë fillon një kaptinë e re jo vetëm për Shqipërinë, por për Ballkanin perëndimorë në përgjithësi.

Rilindja Demokratike Kombëtare edhe më herrët ka mbajtur qëndrim konsistent se edhe Maqedonia ka nevojë për dekriminalizimin e skenës politike dhe se është më se e nevojshme të sillet një ligj i ngjajshëm i reformave në drejtësi. Institucionet e vendit, sidomos ato të drejtësisë, kanë nevojë për reforma rrënjësore sepse vendi edhe pas 25 vite pavarsi, vazhdon të udhëhiqet nga njëmendësia e filozofisë komuniste, me tendenca reale për fuqizim edhe më të madh. Strehimi i kësaj filozofie në kuadër të institucioneve të ndryshme të shtetit, partive politike, si dhe organizatave të ndryshme joqeveritare duhet dhënë fund, prandaj është më se e domosdoshme sjellja e një ligji të ri të reformave në drejtësi’, shtojnë nga RDK. /Telegrafi/