Fëmijët më të vegjël se dy vjet nuk do të duhej të shikonin filma vizatimorë

Fëmijët deri në moshën dyvjeçare fare nuk duhet të shohin televizor, as të jenë në kontakt me asnjë medium elektronik.

Gjithnjë e më shumë prindër vogëlushët e vet i qetësojnë dhe i argëtojnë duke u lëshuar filma vizatimorë. Mirëpo, edhe pse këta filma vizatimorë u janë përshtatur moshave më të reja, psikologët konstatojnë që fëmijët më të vegjël se dy vjeç nuk do të duhej të shikonin TV.

Pas moshës dyvjeçare, shikimi i televizorit duhet të jetë me masë, gradualisht, por assesi më shumë se dy orë në ditë.

Vizatimorët kanë ndikim dyfish negativ te fëmijët deri në moshën gjashtëvjeçare, transmeton Telegrafi.

Duke shikuar filma vizatimorë, vogëlushët humbin pasqyrën reale se ç’është realitet e çka jo. Prandaj nuk duhet të na habisin veprimet kur dëgjojnë që ndonjë fëmijë i bie me çekiç maces në kokë.

Ai fëmijë me siguri ka pritur të shohë xixa mbi kokën e maces, ashtu siç ka parë në film. Sepse, duke shikuar vizatimorët e tillë, fëmija humbë ndjenjën për sjellje agresive, për atë çka është reale, çka është imagjinare, si edhe empatinë.

Nëse heronjtë e tyre nga vizatimorët janë të dhunshëm, do të sillen edhe ata ashtu. Viktimat më të mëdha të programeve të këqija TV janë fëmijët dhe ata paguajnë haraçin më të madh.

Shumë orë përpara ekranit mund të shkaktojnë një vonesë në të folur, në aktivitete psiko-motorre dhe shqetësime në gjumë. /Telegrafi/