Nismës Socialdemokrate ka vazhduar takimet në promovimin e anëtarëve të rinj, që i janë bashkuar këtij subjekti politik. Pas aderimeve në disa degë të vendit, Nismës sot i janë bashkuar rreth 189 studentë të profileve të ndryshme.
Kryetari i Nismës Socialdemokrate, Fatmir Limaj duke u dëshiruar mirëseardhje të rinjve në Nismë, u shpreh se beson që sot janë më të fuqishëm si subjekt politik.
Ai u tha studentëve se në jetë mund të mbërrijnë objektivat vetëm ata njerëz që kanë ëndrra të mëdha, pasi siç tha ai, “një njeri që nuk ka ëndrra, është problem me arrit objektivin që dëshiron”.
Limaj u kërkoi të rinjve që të jenë aktiv, që të kenë zë, të kenë ide dhe ato ide t’i shfaqin, mos të mbeten vetëm ide të pa realizuara, pasi siç tha “ka dhjetëra ide që vdesin, pasi mbesin të izoluara në arkivat mendore të individëve”.
“Organizimet politike kanë këtë ide, bashkohen individët, bashkohen mendjet e ndritura dhe dalëngadalë e përpunon idenë dhe del si zë i fuqishëm i një organizimi, i një subjekti të organizuar dhe nuk del individualisht, sepse ka kush e mbron. Ose pjesë e idesë tende bëhen qindra e mijëra njerëz, që e përqafojnë, që e duan idenë për të cilën po flasim”, tha Limaj dhe shtoi se rruga më e lehtë është të mos bëhet asgjë, por siç tha ai, individët që nuk bëjnë asgjë, në fund kanë vetëm një emër “asgjë”, sepse nuk kanë qenë të gatshëm të marrin përsipër sfidat dhe të përballën me to.
Lideri i Nismës ka thënë se dëshiron që djemtë dhe vajzat të kenë hapësire dhe të tregojnë që në Kosovë ka mundësi me ndërtuar një subjekt politik, i cili ofron dhe respekton diversitetet politik dhe krijon ura bashkëpunimi mes subjekteve për interes nacional. Ai ka pohuar Nisma se refuzon logjiken e përplasjeve e sharjeve, të cilat dëmtojnë vendin.
“Ne nuk duam aso vote. Ne duam mendimin tuaj dhe bashkë të mundohemi idetë tona t’i kthejmë në vendime për vendin. Këtë sallë ka ambasadore, ministra, presidentë, gjyqtarë, drejtues të agjensioneve të ndryshme dhe jam i bindur që ardhmja e këtij vendi është i sigurt, sepse aktivizimi juaj tregon që Kosova po zgjodhët dhe rinia po bëhet aktive”, ka përfunduar Limaj.
Kryetari i rinisë së Nismës, Xhemajl Hazizi tha se sot është një ditë e rëndësishme për Nismën Socialdemokrate pasi përmes këtij takimi, po vazhdojnë rrugën e fuqizimit të zërit rinor.
“Sot rinia jonë është ndër tri shtyllat, mbi të cilat qëndron partia jonë politike, ndërsa aktivizimi i juaj sot madhështon familjen tonë politike. Rinia e Nismës çdo ditë e më shumë po rritet. Trupa jonë rinore po vazhdon fuqizimin e përditshëm në secilin qytet, duke qenë rinia më aktive në terren. Për neve është nder që ju kemi sot, ndërsa ju duhet të jeni krenar për zgjedhjen që e keni bërë, për të qenë pjesë e familjes suaj politike”, tha Hazizi.
Në emër të studenteve të cilët aderuan, foli Fadvere Jonuzaj, studente e fakultetit Filozofik në Universitetin e Prishtinës, e cila tha se ndihet e nderuar që është pjesë e Nismës Socialdemokrate.
Ajo pohoi se si një studente e re e UP-së ka ardhur në përfundim se Nisma është i vetmi subjekt që i kushton rëndësi të veçantë rinisë, pasi krijon hapësire për gjenerata të reja.
“Nisma Socialdemokrate e sheh të nevojshme përkrahjen e rinisë, sepse pikërisht ata janë katalizatorët që e përbëjnë demokracinë e vërtetë. Është subjekti i vetëm politik në Kosovë, që i kushton rëndësi të veçantë rinisë në pjekurinë politike. Nisma Socialdemokrate krijon hapësirë për gjeneratat e reja. Këtë e dëshmon dhënia e përgjegjësive të rinjve nga niveli lokal, deri tek ai shtetëror”, tha ajo/kp/Telegrafi/.
Promo
Reklamo këtuLufta Prigozhin - Putin
Më shumëNga Rubrika
Kamberi: Rreth 14 të rinj nga Bunajovci janë ndaluar sot nga autoritetet serbe
MPB: Serbia ka ndaluar sot 10 pjesëtarë të Policisë së Kosovës, pesë nuk janë liruar ende
Mariçiq: Qëndrimi i Maqedonisë për Srebrenicën është qartë i konfirmuar me Deklaratën e Kuvendit të vitit 2010
Qeveria vendosi: 24 prilli dhe 8 maji ditë jo pune për të gjithë qytetarët
Ndalimi i kosovarëve në Serbi, Gërvalla: Vuçiqi nisi t’i jetësojë kërcënimet pas votimit për anëtarësimin e Kosovës në KiE
"Zyrtarja e Policisë së Kosovës ende është duke u intervistuar nga policia serbe", flet pasagjeri i autobusit "Bici Com" që po mbahet në kufirin Serbi-Hungari
Kërkesë për interpelancë në parlamentin e Zvicrës për Kosovën - këto janë pikat që pritet të diskutohen
Bujar Osmani: Kam më shumë informacione mbi Banjskën, do ta informoj Qeverinë
Zëvendësdrejtori i Policisë së Kosovës dërgohet në Rashkë, Qalaj: BIA serbe do t’i bëjë presion për informata sekrete
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Deputetët e shteteve që votuan kundër anëtarësimit të Kosovës në KiE
Xavi e tepron me fjalët që ia ka thënë gjyqtarit pas eliminimit të Barcelonës nga Liga e Kampionëve
“Dashuria e madhe ndaj Edit ia mori jetën, vajzat e panë të gjakosur”, flet familjarja e gruas që u vra në Pejë nga bashkëshorti
Reagon më në fund Akil Gjakova
Parashikimi i 'çmendur' i Jose Mourinhos për fundin e Ligës Premier po del i saktë
Avokati serb ironizon me presidentët serbë, tregon ku ikën ata kur Kosova shpalli pavarësinë dhe sot kur u votua për anëtarësim në KiE