Në Meshën qendrore të Pashkëve, që sonte është mbajtur në Katedralen “Shën Nënë Tereza” në Prishtinë, Ipeshkvi i Kosovës, imzot Dodë Gjergji ka qenë kritik ndaj shoqërisë civile, politikës, e në veçanti ka kritikuar mediat për prehjen e lajmeve të pavërteta, që po ndikojnë në largimin e të rinjve nga Kosova.
Imzot Dodë Gjergji po ashtu ka theksuar se është e papranueshme që dikush t’i mohojë krimet që i ka kryer në të kaluarën, ndërsa veç dialogut ndëretnik mes popujve, ka kërkuar edhe dialog mes shqiptarëve, për të parë të ardhmen tonë.
Në mesazhin e Meshës së Pashkëve, Dodë Gjergji ka kujtuar ringjalljen e Krishtit.
“Nëpërmjet fesë që na është dhuruar prej tij dhe pagëzimit që kemi marrë, ne të gjithë në Kishë bëhemi bijtë e Hyjit. Nga ky zjarr kemi ndezur qiriun e Pashkëve, sepse nga zjarri i dashurisë së Hyjit tonë, shpërthen drita plotë shkëlqim. E kjo dritë është Krishti i ringjallur që ndritë Botën, ashtu sikurse qiriu i Pashkëve e ndritë natën e shenjtë të kësaj feste”, tha Gjergji.
Ai tha se pasi Zoti krijoi qiellin dhe tokën, në fund e krijoi njerëzimin “që të na dojë dhe që ta duam”.
“Sikurse lutja që thash në fillim, dhe agjërimi dhe lëmosha, janë njete për ta përforcuar besimin tonë, ashtu edhe mundimi, vdekja dhe ngjallja e Krishtit, janë thelbi i Pashkëve që përbëjnë themelin e besimit, për të na dhuruar më anë të Jezu Krishtit dhe të Hyjit që e ngjalli atë”, tha ai.
Ipeshkvi citoi fjalët e Papa Françeskut, i cili ka thënë se “Pashkët janë ngjarje që sollën risi radikale për çdo qenie njerëzore, për Historinë dhe për mbarë Botën. Është triumfi i jetës mbi vdekjen. Është një festë e gëzimit të rigjenerimit”.
Ai foli edhe për kohën e tanishme, ku ka qenë kritik ndaj shoqërisë civile, politikës, e në veçanti ka kritikuar mediat për prehjen e lajmeve të pavërteta, që po ndikojnë në largimin e të rinjve nga Kosova.
“Po në kohën që po jetojmë, jemi të detyruar të përballemi me të vërtetat e hidhura që na zhgënjejnë, ose na i shuajnë idealet e dikurshme dhe na pamundësojnë të arrijmë të dëshiruarën që e kemi dashur shumë dhe që e duam ta kemi sot. Shpesh herë zhgënjehemi nga rruga e grupeve të shoqërisë civile dhe partive politike, por edhe të bashkësive fetare, e kur shtojmë këto edhe mediat që merren përgjegjësisht me të keqen dhe shpesh herë e rritin atë, duke e përhapur lajmin e rrem ose gjysmën e së vërtetës, krijohet një përshtypje e përgjithshme, se në vendin tonë nuk ka të ardhme. Kështu është krijuar opinioni se nuk ia vlen më punuar, me sakrifikuar edhe pak dhe me dashtë këtë vend. Në këtë mënyrë, po thuajse të gjithë punojmë kundër vetës sonë, dhe bëhemi bashkëpjesëmarrës në rrënimin e të ardhmes, duke ia vrarë çdo ditë pak nga pak njëri-tjetrit shpresën”, tha Ipeshkvi Dodë Gjergji.
Gjergji bëri thirrje që nëpërmjet përvojës së Krishtit të arrijmë ta ngrisim shikimin tonë përtej dëshirave të kohës dhe mëtanë të keqes sonë, të shikojmë në sakrificën tonë edhe kur ajo është e përbuzur dhe të shikojmë në dashurinë tonë, edhe kur ajo është e nëpërkëmbur, duke besuar se Zoti do ta shpërblejë mundin e tij dhe dashurinë e tij, raporton KosovaPress.
Dodë Gjergji kërkoi që të ndërtohet shteti të cilin e kemi dëshiruar të gjithë, duke e ndërtuar shtetin për brezin e ardhshëm, që fëmijët të jetojnë në frymën e shtetit tonë. Po ashtu, Dodë Gjergji kërkoi që ata që kanë kryer krime në të kaluarën, të mos i mohojnë ato.
“Në anën tjetër është e pa pranueshme që dikush të mohojë krimet që vet i ka bërë në të kaluarën, sikurse nuk duhet ta heshtim mundësinë e përafrimit nëpërmjet dialogut, deri sa të arrihet paqja dhe pajtimi në mes popujve. Pse jo, edhe të shihet mundësia e fillimit të një dialogu ndërmjet shqiptarëve për të ardhmen tonë”, tha Dodë Gjergji./KP
Promo
Reklamo këtuLufta Prigozhin - Putin
Më shumëKSHZ publikon rezultatet e para përfundimtare, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Bujar Osmani shpall fitore: Dallimi është mbi 40 mijë vota ndaj Taravarit
Zgjedhjet në RMV, Abdixhiku: Sikur shqiptarët të bëheshin bashkë me një kandidat, sot do të ishin në balotazh
Del rezultati përfundimtar në Gostivar, këto janë rezultatet
Iu mori shokëve një milion euro duke mashtruar për vetëvrasje: "Unë po i jap fund jetës, amanet gruan dhe dy djemtë"
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert