Instituti Hidrometeorologjik i Kosovës bën të ditur se vendi ynë do të mbetet nën ndikimin e masave të ajrit me presion të ndryshueshëm atmosferik dhe në këto kushte do të mbajë mot me vranësira të dendura dhe intervale me diell.

IHK thekson se sot do të mbajë mot kryesisht me vranësira. Pasdite do të ketë reshje lokale shiu, vende-vende me bubullima.

Temperaturat e ajrit gjatë kësaj periudhe do të luhaten rreth vlerave mesatare. Minimalet do të sillen nga 12 deri në 14 gradë celsius, ndërsa maksimalet nga 21 deri në 25 gradë celsius.