0Shares

Në tentim për të ikur nga burgu ku ishte duke vuajtur dënimin, në Lenzburg (Aargau), një kosovar ka marrë plagë të rënda. Ai është rrëzuar nga një mur i lartë 8 metra. Me këtë rast ka dështuar ikja e planifikuar edhe e një të burgosuri tjetër, shtetas i Serbisë. Këto tentime kanë ndodhur të mërkurën rreth orës 14.00.

Kosovari i lënduar i është nënshtruar një operacioni emergjent, pasi ka pësuar thyerje të rëndë të këmbës dhe tash ndodhet në Inselspital të Bernës, në stacionin e mbikëqyrur.

Dy të burgosurit ishin përpjekur të iknin duke e lidhur një shkallë nga kopshti me një litar dhe një gyp, ka thënë një përgjegjës i burgut. Por kosovari ka rënë nga muri në tokë në anën e jashtme të burgut, ndërkohë që pjesëtarë të personelit të burgut kanë qenë të pranishëm në të dyja anët e murit. Kjo për faktin se dy të burgosurit para kësaj e kishin prekur një tel të rrethojës, me ç`rast ishte aktivizuar alarmi, njofton albinfo.

Si dënim për përpjekjen e ikjes, dy të burgosurit do të mbajnë nga 15 ditë dënim në “bunkerin” e burgut, që ndodhet në bodrum.

Aty kanë vetëm shtratin dhe fare pak dritë të diellit. Vetëm një orë në ditë të burgosurit kanë të drejtë të dalin në ajër të pastër. /Telegrafi/

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)