LAJMI I FUNDIT:

Zogaj: Thaçi po i jep kohë Haradinajt që t’i sigurojë votat (Video)

Zogaj: Thaçi po i jep kohë Haradinajt që t’i sigurojë votat (Video)

Presidenti i vendit, Hashim Thaçi, ka ftuar në takim për nesër të gjitha partitë parlamentare. Lidhja Demokratike e Kosovës dhe Vetëvendosje, por edhe Aleanca Kosova e Re nuk do të jenë pjesë e këtij takimi.

Përderisa Partia Demokratike e Kosovës, Aleanca për Ardhmërinë e Kosovës dhe Nisma për Kosovën do të jenë pjesë e takimit, por nuk dihet se nga kush do të përfaqësohen këto parti në takim me kreun e shtetit.

Ftesën e presidentit po e konsideron të vonuar analisti politik, Petrit Zogaj. Sipas tij, presidenti po mundohet që të favorizojë koalicion PAN në mënyrë që të sigurojnë votat e mjaftueshme për formimin e qeverisë.

“Presidenti i vendit është duke parë ose duke kalkuluar që të jetë i bindur që PAN-i dhe zotëri Haradinaj si mandatar potencial e ka mbështetjen e nevojshme në Kuvendin e Kosovës për ta krijuar Qeverinë. Kjo pritje besoj që në opinionin publik shihet qartazi që zotëri Thaçi është duke favorizuar që qeveria të krijohet nga Haradinaj dhe nga koalicioni i partive që kanë dalë me më së shumti deputet në Kuvendin e Kosovës. Kjo thirrje pas më shumë se 10 ditësh të certifikimit të rezultateve është e vonë, pra nëse zotëri Thaçi do ta kishte këtë logjikë të funksionimit, pra do ta mendonte që qysh në start që do ti thërras partitë politike për tu konsultuar në mënyrë që të kemi një datë të konstituimit të Kuvendit, kjo po shihet si një lloj mundësie për Haradinaj për të siguruar votat e nevojshme për të votuar qeverinë në Kuvend”, ka thënë Zogaj, raporton Ekonomia Online.

Ai ka thënë se presidenti është dashur ta ketë të qartë rolin e tij në lidhje me konstituimin e Kuvendit pas vendimit të Gjykatës Kushtetuese të vitit 2014.

“Pas vendimit të Gjykatës Kushtetuese të vitit 2014, presidenti e ka pasur shumë të qartë dhe e ka shumë të qartë rolin e tij kushtetues në lidhje me konstituimin e kuvendit dhe me formimin e qeverisë pra dhe me formimin e institucioneve qendrore pas zgjedhjeve të qershorit. Deri më tash presidenti i vendit nuk është që ka treguar rol proaktiv në kuptimin që të vije deri tek një situatë ku ne e kemi të qartë krijimin e institucioneve të vendit”, tha ai.

Drejtori i organizatës Fol ka shtuar më tutje se nëse koalicioni PAN dështon që të formojë qeverinë, Thaçi domosdoshmërisht do të duhet ti jepte mandatarin koalicionit të dytë.

“Unë nuk e besoj që pas 10 vitesh shtet jemi në situatën ku ne mund të bëjmë këso lloj lojërash të vogla partiake dhe besoj shumë që presidenti i vendit e ka të qartë që pjesa e diskrecionit për mandatarin e dytë. Është e qartë që nëse i dëshmohet presidentit që LDK me koalicionin dhe VV po ashtu i kanë 61 deputet brenda koalicionit të madh, unë besoj që Thaçi nuk do të kishte rrugë tjetër përpos që ti jepte mandatin koalicioni të dytë” shtoi ai.

Zogaj ka komentuar edhe rolin e presidentit Thaçi gjatë periudhës së zgjedhjeve. Ai tha se pas 16 vitesh pjesëmarrje në zgjedhje si lider i PDK-së, presidenti e ka pasur të vështirë të distancohet nga fushata zgjedhore, duke shtuar se veprimet e tij gjatë zgjedhjeve lënë shijen e një fushate paralele.

“Presidenti e ka pasur të vështirë që pas 16 viteve pjesëmarrje në zgjedhje si lider i PDK-së tash në vitin e parë kur është president i vendit të jetë i distancuar komplet nga fushata zgjedhore. Nuk e shoh shumë të dëmshme sepse është parë që nuk ka ndikuar shumë ndoshta edhe në rezultat por që besoj shumë që institucionalisht Thaçi do të piqet edhe politikisht që të paktën në zgjedhjet e tetorit të këtij viti të mos marr pjesë ose të mos e lë përshtypjen që po merr pjesë nëpër disa takime që ai po i quan kështu ndoshta edhe miqësore ose edhe institucionale me arsimtarë, me këto takime për me të cilat lënë shijen e një fushate paralele për subjektin që e ka udhëhequr për 16 vite”, ka përfunduar Zogaj.

Komisioni Qendror Zgjedhor ka bërë certifikimin e rezultateve me 8 korrik, por ende nuk është thirrur seanca konstituive e Kuvendit, ndonëse presidenti ka kohë të thërras seancën deri më 8 gusht. Koalicioni fitues i zgjedhjeve vazhdimisht ka deklaruar se i ka votat për formimin e qeverisë, raporton EO.

Nga zgjedhjet e përgjithshme, koalicioni PAN ka fituar 39 deputetë, Lëvizja Vetëvendosje ka 32 deputetë, ndërsa koalicioni LAA 29 deputetë, kurse Lista Serbe 9.

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori