Presidenti i vendit, Hashim Thaçi gjatë ditës së djeshme ka caktuar datën 22 tetor 2017 për mbajtjen e zgjedhjeve lokale.
E në këto zgjedhje shumë nga kryetarët e tanishëm të komunave kanë deklaruar se do të rikandidojnë sërish, e disa prej tyre kanë thënë që vendin do t’ua lënë të tjerëve.
Duke pasur parasysh se Komuna e Drenasit ka qenë ajo e cila para gjashtë muajve iu është nënshtruar procesit të zgjedhjeve ku kryetar u zgjodh Ramiz Lladrovci, i njëjti ka thënë se për rikandidimin e tij, ose jo, do të vendos Kadri Veseli.
“Kryetari Veseli dhe organet drejtuese të PDK-së do të marrin qëndrim meritor për punën time, përkushtimin dhe kandidaturën e sërishme. Mirëpres vendimin, unë kam energji dhe vullnet për mandatin tjetër për të realizuar premtimet e mia dhe PDK-së, për mandatin e plotë në shërbim të qytetarëve”, ka thënë Lladrovci për Telegrafin.
Edhe Xhavit Drenori, i cili në zgjedhjet e fundit kandidoi për deputet nga radhët e Lëvizjes Vetëvendosje, ka thënë se tani do të fokusohet në zgjedhjet lokale.
I kontaktuar nga Telegrafi, Drenori ka konfirmuar se do ti hyjë sërish garës për kryetar të Drenasit.
“Po, do të kandidoj sërish, sepse këtë po e kërkon ekipi im dhe shumë qytetarë të Drenasit”, ka thënë Drenori.
I pyetur se a do të kandidojë sërish si i pavarur, apo do të jenë kandidat nga Vetëvendosje, Drenori theksoi se ende nuk është definuar diçka e tillë.
Për dallim nga Lladrovci dhe Drenori, Isa Xhemajlaj nga Nisma për Kosovën ka thënë se ende nuk ka vendosur nëse do të rikandidojë sërish.
“Ende nuk kam vendosur. Do t’i bëj disa analiza dhe konsultime para se të vendos për rikandidimin tim”, ka thënë Xhemajlaj.
Ai ka theksuar se nuk ka ndonjë pengesë sa i përket paraqitjes së kandidaturës së tij, por se sipas tij duhet konsultuar me Kryesinë e partisë.
Kujtojmë se në raundin e parë të zgjedhjeve të 4 dhjetorit 2016 në Drenas, Ramiz Lladrovci i PDK-së dhe Isa Xhemajlaj nga Nisma dolën më të votuarit, të cilët pastaj shkuan edhe në balotazh.
Ndërkohë presidenti Thaçi ka udhëzuar Komisionin Qendror të Zgjedhjeve që t’i ndërmarrë të gjitha veprimet e nevojshme për organizimin dhe mbajtjen e zgjedhjeve lokale, në përputhje me vendimin e tij dhe legjislacionin në fuqi.
Zgjedhjet lokale të këtij viti pritet t’i kushtojnë vendit rreth 5 milionë euro. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Prokuroria Themelore e Prishtinës thirrje qytetarëve: Nëse jeni prej viktimave të cilave u janë shpërndarë foto apo video intime nga “Albkings”, jepni dëshmitë në stacionet policore
Brnabiq arsyeton arrestimin e zv.drejtorit Jankoviq, reagon Surroi: Ndërhyrje në identitetin e serbëve të Kosovës
Kovaçevski: Luftën kundër korrupsionit do ta nisim nga politikanët
Qeveria e RMV-së vendosi: 24 prilli dhe 8 maji ditë jo pune për të gjithë qytetarët
Kurti: Zëvendësdrejtori i policisë që u ndalua dje nga Serbia, është dërguar në Rashkë
Lirohen policët e ndaluar në Serbi, përveq zv.drejtorit Jankoviq
Kryetari i Dhomës së Përfaqësuesve, Johnson: Putini mund të synojë Ballkanin, nëse lejohet
Pronari i “Zhitia Turist” tregon se çfarë u është thënë udhëtarëve të ndaluar nga Serbia në kufi
Shpërthen një granatë dore në oborrin e një shtëpie në Zveçan
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin