0Shares

Policia gjermane ka konfiskuar 1 kilogram drogë marihuanë nga një emigrant shqiptarë nga Kosova, i cili po udhëtonte me një autobus në destinacionin Prishtinë – Mynih.

Policia theksoi se droga u zbulua, pas ndalimit të autobusit në afërsi të Rosenheim, me ç`rast gjatë kontrollit tek emigranti 33 vjeçar është gjetur droga.

Ai ka pranuar se kishte blerë drogën në Prishtinë dhe kishte për qëllim që ta shiste në Gjermani, ku po qëndronte me punë dhe vendqëndrim të rregulluar, transmeton INA.

33 vjeçari menjëherë është prangosur dhe se ndaj tij është shqiptuar masa e paraburgimit me akuzën për trafikim të lëndës narkotike. Gjatë këtij kontrolli të autobusit, policia gjermane ka gjetur edhe një sasi cigaresh, të cilat janë konfiskuar. /Telegrafi/

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)