0Shares

Mbi 350 kilogram drogë të llojit marihuanë janë zbuluar në pikën kufitare Mexhitli, midis Maqedonisë dhe Bullgarisë, në një kamion të ngarkuar me dyshekë, të destinuar për tregun europerëndimor.

Ministria e Punëve të Brendshme, në bashkëpunim me Drejtorinë e Doganave të Maqedonisë, gjatë aksionit të djeshëm ka ndaluar drogën, që ishte ngarkuar në Shqipëri dhe përmes Maqedonisë, destinacionin final e kishte tregun e zi në Holandë.

“Dhjetëra dyshekë ishin përpunuar në mënyrë speciale dhe ishin të mbushur me marihuanë. Ky është rast i parë që droga të fshihet në materiale të tilla”, deklaroi ministrja e brendshme, Gordana Jankulovska.

Në kuadër të këtij aksioni janë arrestuar shtatë shtetas të Maqedonisë, në mesin e të ndaluarëve janë dy veta nga Veleshta e Strugës, dy shoferë nga Manastiri për transportin e drogës si dhe persona të tjerë.

Droga u zbulua mbrëmë rreth orës 21.00, kur kamioni i ngarkuar me drogën kishte mbërritur për të kaluar kufirin në pikën kufitare Mexhitli midis Maqedonisë dhe Bullgarisë.

Dyshimet janë edhe për rrjetin e trafikantëve shqiptarë nga Shqipëria. Pesë nga shtetasit e Maqedonisë janë arrestuar, ndërsa të tjerë janë në arrati. Droga e konfiskuar në tregun e zi kap një shifër prej milion euro. /Telegrafi/

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)