Zamparini zyrtarisht largohet nga Palermo, pasi gjatë historisë së tij 15 vjeçare ndryshoi 40 herë trajnerët

Presidenti i Palmeros, Maurizio Zamparini, ka dhënë dorëheqja nga klubi i tij duke i hapur derën një pronari të ri. 

‘Patroni’ ka kohë që është duke biseduar me disa investitorë amerikanë për shitjen e klubit.

Ai e kishte lajmëruar shumë më herët largimin nga klubi.

“Maurizio Zamparini njofton se ka ofruar dorëheqjen e tij si president i Palermo”.

Brenda 15 ditësh, do të caktohet presidenti i ri, i cili do të do të prezantohet në një konferencë për shtyp në Palermo.

“Presidenti i ri është një përfaqësues i një fondi anglo-amerikan, i cili është nën kontratë për të investuar në projektet e Gruppo Zamparini, me prioritet investime fillestare për klubin Palermo, përkatësisht stadiumin dhe terrene të trajnimit”.

Lexo po ashtu Palermo dhe yjet e dala nga kjo skuadër – Nga Cavani te Dybala, presidenti Zamparini do të kishte një skuadër yjesh (Foto)

“Objektivi i investitorëve është kthimi i klubit në pozicionin që e meriton qyteti, dhe Evropa me një program tri deri në pesë vjet”.

Zamparini erdhi në krye të Palermos në vitin 2002, por nuk arriti kurrë ta dërgojë skuadrën në garat evropiane.

Ai kishte arritur të ngritë në majë lojtarë si Edinson Cavani, Paulo Dybala dhe Javier Pastore, por që me shitjen e tyre mori fitime të mëdha.

Megjithatë, Zamparini është i njohur për qasjen e tij të paqëndrueshme ndaj trajnerëve, ku gjatë kohës së tij ai ka shkarkuar 29 trajner të ndryshëm në stol, ndërsa disa i ka larguar edhe nga dy herë duke e dërguar në 40 numrin e shkarkimeve.

Në sezonin e kaluar ai largoi Giuseppe Iachinin, Davide Ballardinin, Fabio Vivianin, Giovanni Tedescon, Giovanni Bosin dhe Walter Novellinon.

Historia e presidentit që largon trajnerët mbyllë këtu, por ai do të mbetet në mendjen e tifozëve për një kohë të gjatë. /Telegrafi/