Xhaferi-Brajoviq: Maqedoninë dhe Malin e Zi i lidh tradita e mirë politike
Kryetari i Kuvendit të Republikës së Maqedonisë, Talat Xhaferi sot në Mal të Zi realizoi takim me kryetarin e Kuvendit të Malit të Zi, Ivan Brajoviq, përcjell Telegrafi Maqedoni.
Gjatë bisedimeve me Brajoviqin, siç kutmoi kabineti i kryetarit të Kuvendit të Maqedonisë, Xhaferi shprehu nderin dhe kënaqësinë që vizita e parë zyrtare pas zgjedhjes së shumicës së re parlamentare është në një vend në rajon, vend me të cilin nuk kemi çështje të hapura, me të cilin na lidhin miqësia dhe lidhjet tradicionalisht të mira politike, ekonomike dhe kulturore dhe vend me të cilin i ndajmë prioritetet e njëjta të politikës së jashtme.
Ai, kolegut të vet dhe qytetarëve të Malit të Zi ua uroi anëtarësimin e plotfuqishëm në organizatën e Marrëveshjes Veri-Atlantike dhe theksoi se realizimi i këtij qëllimi strategjik për shtetin, do të kontribuojë për një siguri dhe stabilitet më të madh, në rajon dhe më gjerë.
Xhaferi shprehu besimin se me aderimin e Malit të Zi në NATO, Republika e Maqedonisë fitoi edhe një përkrahës të madh të aspiratave të saj për integrim në bashkësinë Euro-Atlantike të sigurisë dhe nënvizoi se anëtarësimi gjithashtu tregoi se dyert e Organizatës mbesin të hapura dhe se është fortë i bindur se së shpejti edhe ne do e arrijmë këtë pikë kryesore në rrugëtimin tonë – anëtarësimin e plotfuqishëm në NATO.
Të dy bashkëbiseduesit këmbyen mendime rreth gjendjes politike aktuale në të dy vendet dhe u pajtuan se ekziston hapësirë e madhe për zgjerimin dhe intensifikimin e bashkëpunimit ekonomik, si në nivel të qeverive, ashtu edhe në nivel të odave ekonomike.
Xhaferi, i cili në Mal të Zi qëndron me ftesë të kolegut të tij malazez Brajoviq, sot pati takim edhe me anëtarët e Komisionit për mbrojtje dhe siguri të Kuvendit të Malit të Zi.
Me këtë rast, nga të dyja palët ishte shprehur kënaqësi nga bashkëpunimi i shkëlqyer në fushën e mbrojtjes ndërmjet dy shteteve në formën e trajnimeve dhe shkollimit të kuadrove, si edhe pjesëmarrjes në projektet e përbashkëta. Nga ana e Malit të Zi u shpreh gatishmëria për transferimin e përvojës në lidhje me aderimin në NATO dhe për këtë qëllim, nga ana jonë u drejtua ftesë për takim me anëtarët e Komisionit të Mbrojtjes në Kuvendin e Republikës së Maqedonisë.
U përshëndet edhe bashkëpunimi në kuadër të Kartës së Adriatikut, me të cilën momentalisht kryeson Republika e Maqedonisë, njofton AIM.
Në delegacionin janë edhe deputetët Xhevat Ademi dhe Maksim Dimitrievski.
Delegacioni u takua edhe me anëtarët e Grupit të porsazgjedhur të miqësisë në Kuvendin e Malit të Zi, me të cilin kryeson Genci Nimanbegu, i cili është nënkryetar i Kuvendit të Malit të Zi.
Gjatë takimit, mikpritësit u informuan se në Kuvendin e Republikës së Maqedonisë, në çdo mandat formohet Grup parlamentar për bashkëpunim me Parlamentin e Malit të Zi, ndërsa deputetët u pajtuan se në të ardhmen duhet të realizohen kontakte sa më të shpeshta të drejtpërdrejta të cilat mundësojnë njoftim të drejtpërdrejtë me gjendjen në të dyja shtetet dhe këmbim të mendimeve dhe përvojave, duke i marrë parasysh prioritetet e njëjta strategjike të të dyja shteteve.
U përshëndet përparimi i Malit të Zi në raport me negociatat me Bashkimin Evropian me hapjen e 28 krerëve dhe definimin e kornizës për hapjen e pesë krerëve të mbetur. Gjatë takimit u këmbyen përvoja edhe për pjesëmarrjen e grave në Parlament, me ç’rast Republika e Maqedonisë ishte sugjeruar si shembull në rajon, bazuar në zgjidhjet ligjore për nominimin e obligueshëm të grave në listat e deputetëve.
Para fillimit të takimeve zyrtare me përfaqësuesit e kreut shtetëror, ishte organizuar pritje solemne e mysafirëve me intonacionin e himneve të të dy shteteve dhe me salutimin e gardës së Malit të Zi para dy kryetarëve të Parlamenteve, Brajoviq dhe Xhaferi. /Telegrafi/
Promo
Reklamo këtuLufta Prigozhin - Putin
Më shumëVotoi pro Kosovës në Asamblenë Parlamentare të KiE-së, kërcënohet deputeti boshnjak
Diskriminimi ndaj shqiptarëve në Serbi, Von Cramon dhe eurodeputetët e tjerë shprehin shqetësimin dhe kërkojnë veprime
Numri i serbëve në Kosovë po zvogëlohet, por jo për shkak të “terrorit shqiptar”, Knaus: Pretendimet e tilla të Vuçiqit janë mashtrim
Dokumentari i televizionit Rai 3, reagon Rama: Sulmohet Meloni duke hedhur baltë mbi Shqipërinë
Gazetari britanik tregon nëse mund të ketë luftë në Kosovë dhe Bosnjë
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert