0Shares

Drejtori i Zyrës së qeverisë së Serbisë për Kosovën, Aleksandar Vulin, ka biseduar sot në pjesën veriore të Kosovës, me biznesmenët serbë dhe personat e tjerë, me ç’rast i ka njoftuar ata se në të ardhmen do të kenë mundësi të paraqesin sugjerime për vazhdimin e dialogut me Prishtinën në Bruksel.

Pas takimit dyorësh, ai u ka thënë gazetarëve se në të ardhmen për jetën e serbëve të Kosovës nuk do të vendoset pa pjesëmarrjen e tyre politike dhe teknike dhe se biznesmenët do t’i japin sugjerimet e tyre për vazhdimin e dialogut në Bruksel.

Vulin ka thënë se është diskutuar edhe për Marrëveshjen e Menaxhimit të Integruar të Kufirit (IBM).

Më tutje, siç raporton agjencia Beta, Vulin ka njoftuar se është biseduar edhe për protestat që i organizojnë biznesmenët dhe qytetarët e pakënaqur me pjesë të marrëveshjes IBM. /Telegrafi/

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)