Kanë kaluar gjashtë vjet që nga aksioni i Njësisë Speciale të Policisë së Kosovës për marrjen e pikave kufitare në veri të vendit. Në këtë aksion për vënien e rendit dhe kushtetutshmërisë në veri të Kosovës humbi jetën Enver Zymberi, polici i Njësisë Speciale.
Zymberi për të gjithë është heroi i Kosovës që dha jetën për shtrirjen e sovranitetit të Kosovës. Por, ka dallime të mëdha në mendime sa i përket përgatitjes, qëllimit dhe rezultateve që prodhoi aksioni i datës 25 korrik të vitit 2011.
Ndërkohë, institucionet e Kosovës e akuzojnë Serbinë për mos-bashkëpunim për zbardhjen e vrasjes së policit, Enver Zymberi.
Behar Selimi, zëvendësministër i Punëve të Brendshme thotë se Serbia po e mbanë peng zbardhjen e vrasjes së policit Enver Zymberi.
“Mendoj se të dyshuarit kryesorë edhe mund të qarkullojnë në Serbi, por Serbia nuk punon në këtë drejtim”, tha zv.ministri Selimi.
Ai ka shtuar se Policia e Kosovës dhe EULEX po vazhdojnë të bëjnë hetime dhe kanë gatishmëri që deri në fund të ndriçojnë këtë rast.
“Prokurori i EULEX-it e ka rastin dhe ka pasur disa rezultate, por dyshohet se i dyshuari kryesor akoma është në ikje për të cilin ka arrest ndërkombëtar”.
Një proces gjyqësor ishte zhvilluar për rastin e vrasjes së policit Enver Zymberi.
Por, të dyshuarit për vrasjen e Enver Zymberit, Radovan Radiq dhe Millovan Vllaskoviq në prill të 2015-së në gjykatën në veri të Mitrovicës janë shpallur të pafajshëm.
Ndërsa, Rexhep Selimi, deputet i zgjedhur nga Vetëvendosja thotë se aksioni i 25 korrikut të vitit 2011 ishte i planifikuar për të dështuar.
“Aksioni ishte i pa menduar mirë, pa plan operacional dhe pa mjetet e nevojshme për realizimin e një veprimi policorë”, ka shkruar Selimi.
Aksioni, sipas tij, nuk e ktheu sovranitetin e qeverisë në komunat veriore.
“Nga kreu i qeverisë se atëhershme u proklamua si aksion i suksesshëm në shtrirjen e sovranitetit të vendit në Komunat veriore të vendit të cilat, sikurse edhe sot, ishin jashtë kontrollit të shtetit të Kosovës”, ka shkruar Selimi në profilin e tij në Facebook.
Ai ka shkruar se aksioni i 25 korrikut rezultoi me negociata të reja me Serbinë, në të cilat Kosova vetëm ka humbur.
“Që nga 25 korriku e deri te “treni rus” u duk sikur aksioni policorë ishte i paplanifikuar, por doli që vetë dështimi ishte plani kryeministrit të atëhershëm dhe i të ashtuquajturit presidenti aktual i Kosovës”, ka shkruar Selimi.
Por, ai ka folur fjalë të mëdha për policin e rënë, Enver Zymberi, që sipas tij ishte viktimë e një avanture politike të ish-kryeministrit Thaçi.
“Në këtë datë e kujtojmë me respekt dhe e çmojmë sakrificën e secilit polic të Kosovës që u treguan të gatshëm t’i dalin në mbrojtje të vendit, Kushtetutës dhe ligjit. Veçanërisht kujtojmë Enver Zymberin – dëshmorin e Kosovës – për të cilin kërkojmë që kryerësit të aktit terrorist kundër Policisë së Kosovës të dalin para drejtësisë”, ka shkruar deputeti Selimi.
Dhe ai kërkon përgjegjësi edhe ndaj udhëheqësve të asaj kohe.
“Po ashtu të ngarkohen me përgjegjësi ata që e futen Policinë e Kosovës në kurthat e politikës konspirative në dëm të sovranitetit dhe të interesave strategjike të Kosovës”, ka shkruar deputeti i Vetëvendosjes.
Edhe Presidenti i Kosovës, Hashim Thaçi, ia ka kushtuar një status në Facebook rënies së Enver Zymberit në aksionin e 25 korrikut. /kallxo.com/
Lufta Prigozhin - Putin
Më shumëNga Rubrika
Hamza: Jam më i mirë se Kurti në qeverisje, kam përvojë më shumë se Abdixhiku – Haradinaj s’do të jetë kryeministër
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia
Gjendet e vdekur një grua në Obiliq, policia jep detaje
Pse Mali i Zi votoi kundër Kosovës në KiE, flet Dritan Abazoviq
Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët
Tha se ditë të vështira e presin Serbinë, Vuçiq: Nesër ose pasnesër i merrni përgjigjet
Si ndikon dygjuhësia në zhvillimin neurokognitiv te fëmijët dhe roli i teknologjisë – shpjegon Pervizaj, mjeke Neuroshkencës Kognitive
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Këshilli i Sigurimit i OKB-së refuzon serish propozimin rus të diskutohet për sulmet ajrore të NATO-s mbi Serbinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes