0Shares

Sot edhe zyrtarisht në Aleancën për Ardhmërinë e Kosovës (AAK), ka aderuar gazetari i njohur, Arbër Vllahiu.

Ai në konferencën e mbajtur për media ka theksuar se është nder për të që të mund të kontribuoj në këtë momente.

Sipas tij, të gjithë ata që po aderojnë kohëve të fundit nëpër parti politike, po thonë se tash është koha për t’i kontribuar vendit përmes këtij angazhimi.

“Unë e kam parë në AAK shtëpinë dhe një adresë të duhur për zhvillimin e vendit. Konsideroj se kjo është adresa dhe rrugëtimi jonë i përbashkët, për të ecur drejt këtij zhvillimi. Faleminderit për mundësinë dhe shansin e dhënë”, ka thënë Vllahiu.

Ndërsa, kryetari i AAK-së, Ramush Haradinaj, ka thënë se me Vllahiun kanë rrugëtuar gjatë gjithë kohës bashkë nëpër temat politike nëpër të cilat ka kaluar vendi.

Ai ka thënë se gazetari i sapoaderuar ka qenë njëri nga emblemat e BBC në shqip.

“Njohës i temave politike në vend ishte në tavolinë me ne në të gjitha temat. Qëllimi ynë është me i dhënë vendit rend dhe ligj. Që nga sot do ta kem më të lehtë vlerësimin për tema dhe procese që kalon vendi”, ka shtuar Haradinaj. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)