0Shares

Vin Diesel i është rikthyer serisë së famshme “xXx” me premierën evropiane të “xXx: Return of Xander Cage” në Londër.

Aktori, i njohur sidomos për filmat “Fast & Furious” u shfaq fillimisht te “xXx” në vitin 2002, në rolin e agjentit qeveritar që lufton me krimin Xander Cage.

Ai mungoi në vazhdimin e filmit, “xXx 2: The Next Level”, ku protagonistë ishin Ice Cube dhe Willem Dafoe. Por, siç transmeton Top Channel, ai tani është sërish aktori kryesor në filmin e tretë, ku Cage përpiqet të shtjerë në dorë një armë të tmerrshme, e në pamje të parë të pandalshme të quajtur “kutia e Pandorës”.

Përpos aktoreve joshëse Ruby Rose, Nina Dobrev dhe Deepika Padukone, kasti i “Kthimit të Xander Cage” përfshin edhe yje të arteve marciale, si Donnie Yen, Tony Jaa dhe Michael Bisping.

I pyetur nëse prania e ish-atletëve e ka vendosur nën presionin e një regjimi të fortë stërvitor, Diesel tha për Reuters se sfida nuk ishte me të tjerët, por ajo buron nga vet personazhi i interpretuar prej tij.

“Të luash Xanderin duhet të jesh njeri që e kërkon emocionin ashtu si ai. Duhet ta shijosh jetën ndryshe nga sa ndodh me personazhe të tjerë që kam interpretuar. Pjesë e kësaj është edhe aspekti fizik, i cili më motivon”, ka deklaruar aktori.

“xXx: Kthimi i Xander Cage” do të nisë të shfaqet në kinematë botërore nga data 18 janar.

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)