Ushqehen me qen e tigra, jetojnë pa shkollë e rrymë: Fisi më i izoluar në botë, por që jeton në harmoni të plotë më natyrën (Foto)

Nëpër kodrat e thella të Bangladeshit ka ende disa fise të izoluara, të cilat vazhdojnë që të jetojnë si primitivë. Madje ata ushqehen me qen dhe tigra.

Për të sjellë këto pamje, fotografit Rehman Asad iu desh që të kalon te disa javë me Murongët, një nga fiset më të mëdha të Bangladeshit.

“Daily Mail” shkruan se specialiteti i tyre i kuzhinës është nappi, që konsiston në peshk, mish dreri ose bretkose të fermentuar të përzier me oriz.

Siç shihet edhe nga fotografitë, shtëpitë i kanë të ndërtuara me dru bambuje, dhe i kanë sipas kodrave.

“Çdo shtëpi ka jo më pak se 3 dhoma dhe një ballkon. Në asnjë nga shtëpitë nuk gjen mobilie dhe nuk kanë rrymë”, ka thënë Asad, transmeton shekulli.

“Meshkujt kanë vetëm një punë. Ata dalin në gjueti për kafshë, që familja të hajë. Femrat punojnë shumë. Mbushin ujë në përrua ose në lumë herët në mëngjes. Më pas, gatuajnë e mirëmbajnë shtëpinë. Një punë tjetër e tyre është që të shkojnë në kodër për të mbledhur dru. Ndërsa fëmijët qëndrojnë në shtëpi e luajnë me fqinjët, pasi nuk kanë asnjë shkollë”, tregon fotografi në lidhje me jetën e përditshme të këtyre fiseve.