Megjithëse nuk ka mbushur ende një vit të plotë funksionimi, Universiteti “Nënë Tereza” në Shkup planifikon të zgjerojë gamën e programe studimore për vitin akademik 2017/2018 me tetë programe të reja, shkruan gazeta KOHA. Nga 14 programe studimore të cilat i disponon momentalisht, prej vitit tjetër akademik në pesë fakultet e UNT-së pritet të shkojë në 20 numri i përgjithshëm i programeve studimore, pra gjashtë programe krejtësisht të reja dhe dy të tjera të cilat do të pësojnë riorganizim prej “programeve të vjetra”.
Rektori i këtij universiteti, Aziz Pollozhani, pohon se universiteti do të del me ofertë më të pasur për vitin e ardhshëm akademik dhe për këtë janë bërë kërkesat për akreditimin programeve të reja. Miratimi i këtyre kërkesave nga Këshilli për Akreditimin e Institucioneve të Arsimit të Lartë në Maqedoni dhe leja për funksionimin e tyre për vitin akademik 2017/2018, sipas tij është çështje kohe.
Ai thotë se është tejkaluar tanimë edhe periudha e ndërmjetme mes qeverisë së vjetër dhe qeverisë të re dhe pret që shumë shpejtë të marrim edhe lejen për regjistrimin e studentëve në të gjitha programet studimore, duke llogaritur këtu edhe programet e reja. Pollozhani beson se gjithçka do të kryhet brenda afateve ligjore për lejimin dhe publikimin e Konkursit për regjistrimin e studentëve të rinj, kur edhe do të dihet saktësisht numri i studentëve të planifikuar për të gjitha drejtimeve dhe fakultete e UNT-së.
“Pas një analize të thuktë shkencore, ku kemi parashikuar edhe trendin e vendeve të punës për të ardhmen, bëmë planifikim e programeve të nevojshme studimore. Dy prej programeve të reja janë rishqyrtim i programeve të cilat i kishim, ndërsa të tjerat janë programe të reja”, pohon për KOHA rektori Pollozhani.
Kështu, sqaron më tej ai, inxhinieria ekonomike e cila ishte e akredituar që në aktin e themelimit, është ndarë në dy programe: menaxhment industrial dhe ekonomi e ndërmarrësisë. Këtu është shtuar edhe një program tjetër i ri me dy profile: inxhinieria e mbrojtjes së ambientit dhe inxhinieria e mbrojtjes në vendin e punës.
Te Fakulteti i shkencave sociale, thotë se janë shtura programet e gerontologjisë, media dhe komunikim ndërkulturor (me dy profile: gazetari dhe komunikologji), shkencat sportive, administrata publike dhe menaxhimi i resurseve humane, ndërkaq në kuadër të shkencave politike është shtuar programi studimeve ballkanike dhe euroaziatike. Rektori Pollozhani shprehet optimist edhe për sa i përket jehonës së regjistrimit të studentëve të rinj në UNT.
Vitin e kaluar sikurse dihet, ky universitet nisi punë me vonesë, po ashtu edhe regjistrimin e studentëve u bë pasi kishin përfunduar të gjitha afatet në universitet tjera publike dhe private. Në vitin e parë u regjistruan rreth 200 studentë. Pritjet për vitin akademik 2016/2017 janë shumë të madha, respektivisht presin të rritje tre ose katërfish më tepër studentë të rinj se sa numri i atyre që u regjistruan në vitin 2016/2017.
“Në bazë të planifikimeve tona për regjistrimin e studentëve të rinj, sigurisht që presim numër më të madh, por që nuk do të shkojmë në regjistrime masive, pasi edhe Universitetit ynë është konceptuar mbi logjikën e cilësia dhe jo të sasisë. Nga numri ekzistues, pritjet tona sigurisht që janë për tre fish dhe më tepër studentë për vitin tjetër. Mjaftueshëm do të jetë edhe trefishi i studentëve të vjetshëm, pasi edhe synimet tona në atë numër konsistojnë”, deklaron rektori i UNT-së, Aziz Pollozhani.
Politikat e pranimit të studentëve të rinj, thotë se janë ndërtuar mbi bazën e mundësive fizike, pra hapësirave në dispozicion të këtij universiteti, i cili krahas hapësirave te godina e Lidhjes së Sindikatave të Maqedonisë (pranë Qendrës Tregtare të Shkupit), nga viti akademik 2017/2018 do të shfrytëzojë hapësirat e Shkollës fillore “Kongresi i Manastirit”. UNT do të vendoset në të njëjta hapësira ku deri tani funksionin programet e disperzuara të Universitetit të Tetovës. Prej vitit akademik 2013/2014, UT- ja nuk hapi konkurs për regjistrimin e studentëve në Shkup, kështu që vendin e tyre në hapësirat e “Kongresit të Manastirit” do ta zënë programet e UNT- së.
Promo
Reklamo këtuLufta Prigozhin - Putin
Më shumëMilatoviq kërkon drejtësi për vrasjet e shqiptarëve në Mal të Zi më 1999 – propozon edhe ngritjen e një memoriali
Eurodeputeti holandez: Provokime fëmijërore dhe të rrezikshme nga Serbia – zv.drejtori i policisë të lirohet menjëherë
Moti i keq nxjerr në bregdet grumbuj me mbetje plastike në Durrës, ndotja e mjedisit problem për qytetin turistik
Qeveria e RMV-së vendosi: 24 prilli dhe 8 maji ditë jo pune për të gjithë qytetarët
Sveçla: Dejan Jankoviq është dërguar në paraburgim për 48 orë
“Deri kur?”, Shqiprim Arifi dënohet nga Gjykata e Vranjës me rreth 500 euro për vendosjen e flamurit kombëtar në selinë e partisë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin