Truri do lidhet me internetin në vitin 2030

Qeniet humane do të bëhen hibridë që mund të lidhin trurin e tyre me internet nga viti 2030.

Ray Kurzweil, shefi i inxhinierisë tek Google, e bëri këtë deklaratë të pazakonshme në konferencën “Exponential Finance” në New York.

Sipas tij, truri mund të lidhet me nanobotë, robotë të vegjël të krijuara nga fibrat e ADN-ës, dhe do të jetë në gjendje të shfrytëzojë serverët në ‘cloud’ (re), për të rritur inteligjencën tonë.

“Mendimet tona do të jenë një hibrid i mendimeve biologjike dhe jo-biologjike”, deklaroi Kurzweil.

“Kështu, gradualisht jemi duke përmirësuar veten. Në pikëpamjen time, kjo është natyra e njeriut, të kapërcejë limitet e veta. Ne do të jemi në gjendje të zgjerojmë limitet tona dhe të mendojmë në ‘cloud’. Ne do të vendosim portat e reve në trurin tonë”, tha Kurzweil, tranmseton Telegrafi.

Kurzweil parashikoi se singulariteti teknologjik, kur inteligjenca artificial tejkalon inteligjencën humane, do të ndodhë nga viti 2045.

Ai ka bërë edhe më parë parashikime për të ardhmen dhe kanë rezultuar të sakta. Në vitet ’90 ai bëri 147 parashikime për vitin 2009. Në vitin 2010 ai shqyrtoi parashikimet e tij dhe pa që 86% e tyre ishin të sakta.