0Shares

Përfaqësuesja e Kosovës të shtunën (sot) me fillim nga ora 20:30 është mysafire e Maqedonisë, në ndeshjen që i takon Grupit C të parakualifikimeve evropiane për Kupën e Botës “Kina 2019”.

Kjo ndeshje do të luhet në palestrën “Boris Trajkovski” të Shkupit, por pa shikues, sepse kështu kanë vendosur autoritetet maqedonase.

Trajneri amerikan i përfaqësueses sonë, Brad Greenberg ka pohuar se nuk duhet t’i përurimin gabimet me Estoninë.

“Ne e dimë se sa e rëndësishme është kjo ndeshje. Po ashtu ne e dimë se është një ndeshje ‘mbijetese’ për Maqedoninë, andaj unë pres nga ata që dalin në fushë dhe të bëjnë më të mirën e tyre. Në anën tjetër ne duhet t’i mbijetojmë vullnetit të tyre dhe të luajmë fortë dhe me intensitet të lartë, ashtu siç bëmë në ndeshjen e parë kundër tyre në Prishtinë”.

“Ne nuk ishim mjaft agresiv në Tallinn kundër Estonisë, dhe kjo nuk duhet të na ndodh në ndeshjen e së shtunës. Duelet e njëpasnjëshme janë shumë më të vështira pasi kërkojnë fokus maksimal. Unë e di se lojtarët e mi e kanë kuptuar sfidën që e kanë para tyre, andaj edhe besoj se do të japin më të mirën e tyre në fushë”.

Kujtojmë se në takimin e parë të luajtur para nëntë ditëve në Prishtinë, Kosova e ka mposhtur Maqedoninë me shifrat 72:68, por Përfaqësuesja jonë në këtë mesjavë pësoi disfatë me shifrat 76:50 në Tallinn nga Estonia. /Telegrafi/

Të Ngjajshme
Shfaq Komentet (0)