LAJMI I FUNDIT:

Trajkovic: Më ndaluan për shkak të tabelave të Beogradit, shqiptarët janë diskriminues

Trajkovic: Më ndaluan për shkak të tabelave të Beogradit, shqiptarët janë diskriminues

Deputetja nga Lista e Bashkuar Serbe në Kuvendin e Kosovës, Rada Trajkovic, ka thënë se makinës së saj i është ndaluar qasja në ndërtesën e Parlamentit të Kosovës, meqë - sipas saj - në veturën e saj ishin targat e Beogradit.

"Nuk kishte arsye ligjore për të pamundësuar automjetin tonë të ketë qasje brenda qarkut të ndërtesës. Arsye emocionale për një diskriminim të tillë ndoshta kishte, por arsyet të tilla nuk kanë vend në shoqërinë e qytetëruar evropiane ", tha Trajkovic për Beta.

Sipas saj, ky “incident ia kujton fashizmin banal të përditshmërisë në Kosovë që pa asnjë vetëkritikë e zbatojnë institucionet e Prishtinës”.

"Më lejoni t’ju kujtoj edhe një herë se në Kuvendin e Kosovës deputeti i kombësisë serbe nuk guxon ta përdorë termin ‘Metohia’ në fjalimin e tij në Parlament, ndërsa deputetët shqiptarë munden pa kufizime të evokojnë termet etno-nacionaliste nga historia shqiptare. Në mënyrë të ngjashme, makinat me regjistrimin qyteteve të Shqipërisë nuk kanë probleme në qasjen e ndërtesave të institucioneve të Kosovës", tha Trajkovic.

Ajo tha se këto akte komunitetin serb në Kosovë e bëjnë “të pasigurt dhe thellojnë mosbesimin e serbëve në objektivitetin e institucioneve të Kosovës”.

"Është ironike që incidentet e tilla vazhdojë në një atmosferë të tensionit mes Beogradit dhe Prishtinës. Në një kohë kur përpjekjet janë të bëra nga Bashkimi Evropian për afrimin e dy palëve kundërshtare politike, institucionet e Kosovës vazhdojnë trajtimin e saj diskriminues nga serbëve në Kosovë", ka thënë Trajkovic, duke shtuar se me akte të tilla “dëshmojnë për mungesë të përgjegjësisë së palës kosovare në procesin e dialogut mes Beogradit dhe Prishtinës”.

"Derisa komuniteti ndërkombëtar me mekanizmat e saj i bën presion Beogradit për çfarëdo hezitim të vogël në procesin e negociatave, pala kosovare nuk është në asnjë mënyrë e ndëshkuar për veprimet diskriminuese që nuk janë në funksion të suksesit të dialogut", tha ajo.

Sipas saj, “për hir të stabilitetit në rajon, komuniteti ndërkombëtar duhet të vlerësojë njëjtë edhe sjelljet e institucioneve e Kosovës, duke i ndihmuar të arrijnë pjekurinë e tyre politike dhe të bëhen më faktor përgjegjës politik në Ballkan”. /Telegrafi/

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori