Organizata “Thirrjet e Nënave” i është drejtuar sot me një letër të hapur presidentes, Atifete Jahjaga, duke kërkuar nga ajo që të mos takohet me presidentin serb, Tomislav Nikolic. Në letrën e nënshkruar nga Nusrete Kumnova, në emër të “Thirrjet e Nënave” kërkohet nga presidentja të mos e takojë presidentin e Serbisë, “antishqiptarin Nikolic”.
“Zonja Presidente, shtypi na ka informuar se ju do të takoheni me presidentin e Serbisë, Tomislav Nikolic, përfaqësues dhe pjesëmarrës i regjimit të tmerrshëm që na ka shkaktuar fatkeqësitë më të mëdha, humbjet pa gjurmë të të afërmve tanë. Ju jeni vetë grua, jeni një nënë e ardhshme dhe ne nuk jua urojmë kurrë të provoni as një të njëmijtën e kësaj që po përjetojmë ne”, thuhet në letër.
“I bëjmë thirrje ndjeshmërisë suaj, dhe përgjegjësisë suaj ndaj çështjes së nënave që ende nuk e dinë se ku i kanë bijtë e tyre, të rrëmbyer prej regjimit të antishqiptarëve si Milosevici dhe si vetë Nikolici apo Dacici.
Ende nuk është vënë drejtësi për krimet në Kosovë. Ju e dini mirë se mijëra gra janë dhunuar prej paramilitarëve dhe ushtarëve pushtues të ndikuar nga ideologjia fashiste e raciste e vetë Nikolicit. Refuzojeni këtë takim zonja Presidente, sepse nuk është në nderin e një gruaje, në nderin e një përfaqësuesje dhe kryetareje të Kosovës që të takohet me një kriminel që para 15 vjetësh mbronte publikisht tezën e shfarosjes së shqiptarëve përmes virusit të SIDA-s”, thuhet më tej në letër.
“Kthejini sytë nga populli juaj, zonja Presidente, kthejini sytë nga problemi jonë që s’po gjen zgjidhje, dhe kërkojini fuqive ndërkombëtare që të na ndihmojnë për të gjetur drejtësi. Pa u kthyer të pagjeturit që janë familjarët tanë, bijtë e bijat tona, nuk do të shërohen kurrë traumat e kësaj shoqërie. Ne nuk jemi kundër marrëdhënieve fqinjësore me të gjitha shtetet, po nuk mund të ketë marrëdhënie të shëndosha kur këto shtete vazhdojnë të mos na njohin qenien tonë, kur nuk i pranojnë krimet pasojat e të cilave ende i vuan i gjithë populli, dhe mbi të gjitha, kur zgjedhin në krye njerëz si Dacici dhe Nikolici, dy fashistë nga më të këqijtë”.
“Është në nderin dhe përgjegjësinë tuaj të mos e takoni Nikolicin dhe të bëni të ditur edhe arsyet pse. Ne kemi besim tek ju, te fuqia dhe ndjeshmëria juaj si grua. Dëgjojeni thirrjen e nënave shqiptare, siç do të dëgjoje thirrjen e nënës tënde”, thuhet në letrën e nënshkruar nga Nusrete Kumnova, “Thirrjet e Nënave” – Gjakovë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
NPK “Tetovë”: Qytetarët të lajmërojnë ekipet tona për largimin e mbeturinave inerte
500 euro gjobë, 5 pikë negative, 6 muaj masë mbrojtëse e sekuestrim i veturës – Policia dënon vozitësin në Pejë
Protesta e dhunshme para Bashkisë së Tiranës, reagojnë ambasadat e SHBA-ve dhe BE-së
Kurti ironizon me ushtrimet e ushtrisë serbe: Paraqesin ndotje të ajrit e tokës
Kurti përmendi Thaçin në 11 vjetorin e marrëveshjeve në Bruksel, reagon Çitaku: E di që po të mungon, duro dhe pak - dielli do të lind përsëri
SHBA-ja synon ta "fortifikojë" Ballkanin Perëndimor
Osmani: Do ta njoftojë qeverinë për sulmin në Banjskë, pastaj do të vendoset për Ballkanin e Hapur
Maqedonci ngre alarmin: Tensionet vazhdojnë, Serbia të mërkurën do të testojë dronë kamikazë në kufi me Kosovën
Marrëveshja mes Kosovës e Serbisë, Kurti: Në këtë 11-vjetor shteti serb në Peshter të Sanxhakut do të lansojë ushtrime me dronë luftarakë kamikazë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi