LAJMI I FUNDIT:

Të mos rrëshqasim si Bosnja

Të mos rrëshqasim si Bosnja

Analistët politikë në Kosovë vlerësojnë se krijimi i asociacionit të komunave me shumicë serbe përderisa nuk e cenon Kushtetutën e Kosovës dhe Pakon e Ahtisaarit, nuk paraqet rrezik për integritetin territorial të Kosovës, por sipas tyre, asociacioni me kompetenca vendimmarrëse jashtë sistemit juridik të Kosovës, është i papranueshëm.

Analisti Azem Vllasi, tha për Telegrafin se nëse Asociacioni i Komunave me shumicë serbe ka karakter të bashkëpunimit të komunave në mes veti, duke respektuar Kushtetutën e Kosovës dhe ka të njëjtin funksion sikur Asociacioni i Komunave të Kosovës, atëherë nuk paraqet ndonjë problem.

“Çfarëdo organizimi i këtij asociacioni me kompetenca vendimmarrëse jashtë sistemit juridik të Kosovës, është i papranueshëm dhe në kundërshtim me Planin e Ahtisaarit”, tha ai.

Sipas Vllasit, Parlamenti i Kosovës duhet të informohet në vazhdimësi nga Qeveria e Kosovës për formimin e çfarëdo lloj asociacioni ose bashkësie të komunave me shumicë serbe.

Ai vlerësoi se deklaratat e Qeverisë së Kosovës se nuk do të bisedohet për veriun dhe për çështjet politike nuk përputhen me realitetin, pasi sipas tij, realiteti është tjetër nga ajo që është thënë.

“Duhet të jemi të kujdesshëm dhe të mos rrëshqitet në skema të cilat mund ta kthejnë Kosovën në imitacion të Bosnjës dhe Hercegovinës”, shprehet Vllasi.

Edhe analisti Ismet Kryeziu tha për Telegrafin se nëse Asociacioni i Komunave më shumicë serbe ka funksion të njëjtë sikur Asociacioni i Komunave të Kosovës, atëherë ky lloj mekanizmi nuk është asgjë më shumë se sa një organizatë joqeveritare.

Ai theksoi se ky asociacion nuk do të jetë në kundërshtim me ligjet, Kushtetutën dhe me Pakon e Ahtisaarit.

“Në asnjë mënyrë një asociacion (shoqatë joqeveritare), pa kompetenca ekzekutive dhe legjislative nuk mund të rrezikojë as nuk mundë të jetë mekanizëm që përmes tij të shërbehet dhe të krijohet autonomi e veçantë”, tha ai.

Sipas tij, Serbia deri tani ka pas autoritetin mbi strukturat paralele në veri, të cilat kanë vepruar në kundërshtim me rendin kushtetues të Kosovës.

“Prandaj formimi i komunave nën legjislacionin dhe Kushtetutën e Kosovës është mënjanim i ndikimit të Beogradit në rendin kushtetues të Kosovës”, deklaroi Kryeziu. /Telegrafi/

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori