Statistikë, BE-ja dhe Rusia përafrohen në Maqedoni për nga roli i aleatit të jashtëm

26.2% e qytetarëve të Maqedonisë konsiderojnë se BE-ja do të ishte aleat më i mirë i jashtëm, ndërkaq 25% e tyre mendojnë se këtë rol do ta luante Rusia, përcjell Telegrafi Maqedoni.

17.5% e qytetarëve parapëlqejnë SHBA-të, si aleat të Maqedonisë. Kështu thonë të dhënat e analizës së mendimit publik për procesin e Maqedonisë drejt anëtarësimit në BE.

Analiza është kryer nga profesor Ivan Damjanovski në bashkëpunim me Institutin për demokraci ”Societas civilis” dhe fondacionin ”Konrad Adenauer”. Analiza tregon rënie të mbështetjes për anëtarësim në BE, mirëpo niveli i përkrahjes së anëtarësimit në BE vazhdon të mbetet i lartë, pra 77%.

Sipas analizës ”Kredibiliteti i Bashkimit Evropian në Maqedoni është vënë në pikëpyetje” të përpunuar nga ”Societas civilis” tregon se 44% e qytetarëve të Maqedonisë nuk janë të kënaqur me tentimet që BE-ja i ndërmerr në rolin e ndërmjetësimit të krizës politike në vend. 58.5% e qytetarëve nuk kanë asnjëdijeni për raportin e PRIBE-së.

Një dallim i dukshëm vërehet te dy grupet më të mëdhaja etnike në vend, shqiptarët dhe maqedonasit. Nëse 32.2% e shqiptarëve e konsiderojnë BE-në dhe 28.3%, SHBA-të, si aleatë të jashtëm të Maqedonisë, ndryshe mendojnë maqedonasit. 29.9% e tyre mendojnë se Rusia do të ishte aleati më i mirë i jashtëm i Maqedonisë./Telegrafi/