LAJMI I FUNDIT:

Sozitë e Hemingway, konkurs 3-ditor në Florida

Sozitë e Hemingway, konkurs 3-ditor në Florida

Ernest Hemingway u “rikthye” në barin e tij të preferuar në Florida. Rreth 160 burra që ishin me mjekra të bardha ose gri u  mblodhën në Key West të Floridas të enjten në mbrëmje për të marrë pjesë në edicionin e 37 të konkursit të personave që i ngjasojnë shkrimtarit të famshëm.

Pjesëmarrësit, që ishin kryesisht të moshuar nga i gjithë vendi, mbërritën në qytetin jugor, për konkursin 3 ditor.

Ai zhvillohet ne barin “Sloppy Joe’s” në Key Westin qendror ku Hemingway dhe miqtë e tij mblidheshin për të pirë.

Ernest Hemingway, i vlerësuar me çmimin “Nobel” për letërsinë në 1954-n, jetoi dhe punoi në Key West gjatë viteve 30-te, transmeton tch.

Konkursi zhvillohet çdo 21 korrik për të shënuar ditëlindjen e autorit me mjekër të bardhë, i lindur 117 vite më parë në Ilinois. Hemingway u nda nga jeta në vitin 1961 si pasojë e vetëvrasjes. Fituesi i garës do të zgjidhet të shtunën.