S’kemi punë, por kemi para!

Në Kosovë niveli i papunësisë është mbi 30 për qind, sipas statistikave të Agjencisë së Statistikave të Kosovës (ASK), po ashtu edhe niveli i varfërisë është shumë i lartë edhe pas kaq shumë vitesh pas luftës.

Kur flasim për papunësinë dhe shifrat që publikohen çdo vit nga organizata të ndryshme një kundërshtim të madh për Europen e japim vet ne populli , të dalësh në çfarëdo kohe në qytetet e Kosovës dhe të shohësh kafenetë e mbushura përlotë me të rinj të cilët e kalojnë ditën nga kafeneja në kafene,të bënë të kuptosh se në këtë vend ka papunësi të lartë.

Por pas kësaj shtrohet pyetja: Ku po i marrin para?!, pra kemi papunësi por kemi edhe para. Në Kosovë gati çdo i dyti ka një ose dy telefona të shtrenjtë, gati çdo i dyti ka veturë, të gjithë vishen bukur e me stil, e shtëpitë gjithnjë më të mëdha e më luksoze po ndërtohen ,dhe madje u mjaftojnë para edhe për 3-4 kafe në ditë.

E mos të flasim për festat kur qytetarët bëjë shpenzime marramendëse vetëm për një ose dy ditë festë, kur kemi parasysh se viti ka 365 ditë.

Një e metë tjetër që na karakterizon dhe na qon drejtë papunësisë është "Edhe lypës edhe zgjedhës" në gjuhën e popullit, sepse nuk qëndron vetëm fakti se nuk ka vende pune por edhe fakti se zgjedhim punën.

Të gjithë dëshirojnë vende të mira pune, në vende urbane, në markete të mëdha, punë të lehta dhe harrojnë që ndoshta duke i punuar tokën apo ndonjë punë tjetër do të fitonin shumë më shumë, edhe nga subvencionet e Qeverisë për fermerët.

E pra këta jemi ne kosovarët, të pa punë por me plotë para.