Si u përzunë deputetët nga vendet ku uleshin në Kuvend: Zbulohen mesazhet mes Ben Blushit dhe Mimoza Hafizit (Video)

Ben Blushi dhe Mimoza Hafizi, dy deputetët e ikur nga Partia Socialiste, nuk i kanë ndryshuar vetë vendet ku ulen në Kuvend.

Kamera e INTV sjell ekskluzivisht mesazhet e shkëmbyera mes tyre, ku diskutojnë vendimin e marrë për t’i nxjerrë në fund të rreshtit.

Mesazhet janë shkëmbyer në një seancë ku Ben Blushi nuk kishte ardhur ende në parlament, ndërsa Hafizi i ankohet se duan t’i spostojnë afër deputetes Mesila Doda, që gjithashtu ju largua Partisë Demokratike për të iu bashkuar PDIU.

Më tej Blushi përpiqet të ngushëllojë Hafizin për gjestin e ulët që kanë bërë socialistët sipas tij duke e lëvizur nga vendi që mbante prej 3 vitesh në Kuvend. Por duket se inatet brenda PS janë edhe më të thella me dy të ikurit, pasi Hafizi aludon se do ta marrë fjalën në foltoren e kuvendit vetëm kur të doje Valentina Leskaj që drejtonte atë ditë seancën.

Edhe pse në media u fol se Blushi dhe Hafizi u larguan nga kolegët socialistë për të përligjur edhe largimin nga PS, në të vërtetë nuk ka ndodhur kështu. Ikja e tyre u shoqërua edhe me reagimin e shumicës që preferoi t’i kishte larg grupit të deputetëve edhe si karrige jo vetëm si mendim./INTV/