LAJMI I FUNDIT:

Si t’i shmangni dhembjet e stomakut

Si t’i shmangni dhembjet e stomakut

Dhembjet e stomakut janë dhembjet më të shpeshta që shtyn të sëmurin të kërkon ndihmë mjekësore. Sëmundjet e stomakut konsiderohen si sëmundje të botës moderne si pasojë e jetesës me stres të vazhdueshëm, me dinamikë të vazhdueshme dhe me faktorë të jashtëm të dëmshëm.

Dr. Arbër Veliu, specialist
Gastroenterolog – Hepatolog
tel. 044 165 624

Personat që janë më të atakuar me probleme gastrike janë personat që punojnë një punë me angazhim maksimal dhe me plot stres, personat me probleme në punë dhe jashtë saj. Stomaku është organi i parë që atakohet nga faktorët e jashtëm siç janë duhani, kafja, ushqimet e tymosura dhe jo mirë të gatuara, ushqimet jo të kontrolluara dhe duke mbishtuar stresin dhe ankthin stomaku bëhet edhe më shumë i lëndueshëm.

Shkaktarët më të shpeshtë të problemeve të stomakut janë ushqimet me shumë yndyra, ushqimet me shumë mëlmesa, ushqimet e tymosura, ushqimet që nuk kontrollohen, ushqimet që konservohen për një kohë të gjatë, ushqimet me aditivë të ndryshëm, sasitë e tepërta të kafes dhe çajit (si pasojë e tepërt e kofeinës nxitet rritja e aciditetit dhe refluksit gastrik), stresi, ankthi, gjendjet neurotike (përmes mbaresave nervore nxitet rritja e aciditetit dhe dhembjes), medikamentet e ndryshme posaçërisht ato kundër dhembjes së nyjave dhe eshtrave (NSAID), aspirina që krijojnë dëmtim direkt në mukozën e stomakut dhe në fund, infeksioni me helicobakter pylori, që dëmton stomakun, mukozën, rrit aciditetin dhe mundësinë e ulcerës peptike.

Stomach-Pain

Simptomat alarmante ndryshojnë nga personi në person, disave rrahjet e vogla në stomak dhe rreth saj iu duken si simptome alarmante, të tjerëve dhembja me të vjella, fryrja e stomakut – duken si simptoma alarmante. Simptomat që duhet të kemi kujdes tek problemet me stomak janë vjellja e shpeshtë, vjellja e masave ushqimore pas disa minutave, vjellja me gjak ose vjellja me ngjyrë kafe, vështirësitë në dalje jashtë, rënia në peshë e shoqëruar me anoreksi dhe anemi.

Zbrazja e zorrës me ngjyrë të zezë gjithashtu është një simptomë alarmi që tek personat me dhimbje stomaku duhet të kërkojnë ndihmë mjekësore, por gjithmonë duhet pasur kujdes që personat që marrin preparate të hekurit mund të kenë jashtëqitje me ngjyrë të zezë, prandaj një bisedë me të sëmurin mund të eliminohen shkaktarët e mundshëm dhe terapia mund të jetë më e saktë.

Ushqimet me shumë yndyra dhe sheqerna mund të krijojnë zbrazje të vonuar të stomakut, që shkon deri 6 orë dhe si pasojë kemi parehati dhe fryrje në regjionin e stomakut e shoqëruar ndonjëherë me vjellje. Dhembja e stomakut mund të shoqërohet me gromësirë dhe refleks (kthim të përmbajtjes gastrike në ezofag) si pasojë e hernies hiatale ose insuficiencës kardiake dhe si pasojë kemi djegie, dhembje në zonën e stomakut, djegie gjoksi në pjesën pas kafazit të kraharorit si pasojë e refluksit dhe shumë shpesh ndihma e parë kërkohet tek kardiologu dhe pulmologu duke menduar se problemi qëndron në sëmundjen kardiake.

Bloated_1500_2669452a

Ushqimet e tharta, turshitë e ndryshme, lëngu i portokallit dhe lëngjet e gazuara me shumë kofeinë, gjithashtu ndikojnë në fryrjen e stomakut, zbrazjen e vonuar dhe parehati, prandaj këto ushqime duhet të përdoren me kujdes dhe personat që janë të ndjeshëm dhe kanë rritje aciditeti në stomak duhet t’i largojnë nga tryeza për aq sa munden.

Infeksioni i stomakut me helicobacter pylori gjithashtu mund të krijojë shqetësime të stomakut, dhimbje, dhe fryrje. Çdo ankesë që shoqërohet me infeksionin me bakterin duhet të mjekohet dhe zakonisht pas trajtimit gjendja përmirësohet, por gjithmonë duke pasur kujdes nga faktorët e jashtëm siç janë ushqimi dhe stresi.

Çdo dhembje e stomakut që nuk shoqërohet me simptomat e alarmit mund të mjekohet me antacidë që mund të përshkruhen nga mjeku i familjes.

Një ushqim i rregullt, natyral me produkte të shëndosha dhe të kontrolluara mirë, të ruajtura mirë, pa aditivë, mund të ndihmojë në ruajtjen e mukozës së stomakut dhe tretja është më e mirë, kualiteti i jetës është shumë më i lartë dhe më i mirë. /Telegrafi/

Në trend Shëndetësi

Më shumë
Ngritja e bilirubinës në gjak: Çfarë do të thotë dhe si ndihmohet?

Ngritja e bilirubinës në gjak: Çfarë do të thotë dhe si ndihmohet?

Shëndetësi
Kalo në kategori