0Shares

Edhe nëse seksi për një natë, pa ndonjë lidhje emocionale, mund t’ju duket i mirë për momentin, pendimi do t’ju shoqërojë qysh nga lindja e diellit. Dhe, sipas një studimi të kryer në Norvegji, ky pendim më shumë shfaqet te gratë sesa te meshkujt.

35 për qind e femrave të anketuara kanë shprehur se janë penduar që kanë kryer seks për vetëm një natë, krahasuar me 20 për qind të meshkujve. Veç kësaj, vetëm 30 për qind e grave kanë thënë se ndjehen të lumtura që e kanë bërë këtë gjë, krahasuar me 50 për qind të meshkujve që e kanë thënë të njëjtën gjë, transmeton Telegrafi.

Pra, nuk është befasi se femrat janë më të prira të kënaqen kur e shmangin apo e refuzojnë një ofertë për seks vetëm për një natë: 80 për qind e femrave kanë thënë se ndjehen të kënaqura që e kanë refuzuar mundësinë e fundit për të kryer seks të tillë.

Siç duket, femrat janë më të brengosura rreth shtatzënisë, sëmundjeve seksualisht transmetuese dhe humbjes së reputacionit që ndërlidhet me seksin rastësor.

Hulumtuesit sugjerojnë se parimisht femrat e shohin seksin si mënyrë për të krijuar fëmijë me një partner jetësor, ndërsa meshkujt nuk e kanë problem një kënaqësi momentale – gjë që e shpjegon se përse meshkujt kërkojnë më shumë mundësi për seks rastësor. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)