0Shares

Futbollistët e kombëtares shqiptare janë paraqitur në urdhrat e trajnerit Gianni De Biasi për të kryer seancën e parë stërvitore në vigjilje të duelit me Italinë, që do të luhet të premten e 24 marsit në Renzo Barbera të Italisë.

Timonieri i kuqezinjve nuk ka pasur grupin e plotë në dispozicion pasi mungonin dy lojtarët e Terek Groznit, Odise Roshi dhe Bekim Balaj, si dhe mesfushori i San Jose Earthquakes, Jahmir Hyka.

Të tre lojtarët do të jenë të gatshëm për trajnerin në ditën e dytë, teksa udhëtimi i tyre ka zgjatur më shumë sesa parashikimi, transmeton Supersport.

De Biasi: Mavraj dëshiron të luajë, por mjekët kanë konfirmuar se nuk është gati De Biasi: Mavraj dëshiron të luajë, por mjekët kanë konfirmuar se nuk është gati

Futbollistët janë shfaqur të qeshur në këtë ditë të parë, pasi ri-takimi ndodh pas më shumë se katër muajsh, që nga sfida ndaj Izraelit më 12 nëntor.

Menjëherë lojtarët kanë nisur detyrat, teksa janë parë të veçuar Ansi Agolli dhe Amir Abrashi, me kapitenin e kuqezinjve që vjen nga sfida e kampionatit e luajtur të dielën.

Trajneri de Biasi ka lejuar vetëm 10 minuta mediat të jenë të pranishme, duke vijuar me rregullin e tij për të kryer seancat stërvitore me dyer të mbyllura.

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)