“Në zemrën e çdo rusi e serbi pulson dashuria besnike për njëri-tjetrin”. Kështu, me këtë lloj shpërthimi emocional, fliste Mihail Gorbaçov tek ngrinte dollinë n’Belgradin e vitit 90-të. Shihte humnerën komuniste e, njëkohësisht, disfatën me “luftën e yjëve” të rivalit furioz Regan, pastaj shikonte orën e vet të vonuar në Londër si t’përgjerohej për mirëkuptim – dhe hidhte vështrim smire në kopshtet e lulëzuara të perëndimit.
Mihail Sergejeviqi parandjente ndërrimin e epokave dhe një Rend të ri bote që do t’shkërmoqte perandorinë e tij, e bashkë me te sajesën serbomadhe të Jugosllavisë. Ndaj, evokonte aleancat apo sensibilitetet e vjetra. E, Serbia ishte një prej më t’rëndësishmeve të tyre. E ky, edhepse përpiqej të vinte maskën e rusit të moderuar postsovjetik, i jepte krahun për ta rivënë n’skenën e dikurshme. Gjithçka riqarkullohej. Prerja e shkurtër tani kishte mbetur pas. Historia që u shpall njëherë e mbaruar, rikthehej tani vrullshëm në Ballkan: me kurthet, prapahijet, makthet, sferat interesore, armët, mitet, doktrinat e robnisë, dorën e largët të fshehtë dhe currilin e gjakut që duhej të ishte gjithmonë i huaj…
Natyrisht serbët do rreken t’adoptojnë valsin mashtrues të strategjinë së dyfishtë: ditën të punojnë në ngrehën Europë, kurse natën të rrëmojnë trathtisht gurët e saj për të shtruar me ta udhështegun e Rusisë.
Për shplarje para syve të njerëzisë i referohen Dositejit të tyre që paskësh thënë se për Serbinë dielli lind në përendim, por Kullat e Kremlinit do t’i ndjekin si fanarin orientimor në detrat e shkumëzuar të botës. Zbërthyer më saktë, ata duan paratë e Perëndimit dhe shpirtin e Lindjes. Duke imituar Titon, këtë dyzim shpallte më herët varrmihësi Nikoliç, ndërkohë që, pa flamuj e trompeta, heshtur e tinëzisht, do ta jetësojë këtë më pas bashkëpartiaku i tij Vuçiq. Zelli i tij do vete më larg akoma: sfidon ushtarakisht Shtëpinë ku, pranë portash, lutet të kalojë pragun e saj…
Madje dhe shoveni patogjen Drashkoviq (të cilin një gazetë gjermane do ta profilonte si mediokër në letërsi e folklorik në politikë), i konvertuar së fundmi në demokrat skofiar, pohonte këto ditë: unë dua që Rusia të jetë më e forta! Nuk do arrinte kurrësesi të mbulohej, sepse, thjeshtë, pasioni i zjarrtë idenitar i mposhtte atij kalkulimet e ftohta të arësyes.
Anëmbajtja serbe, rrjedhimisht, merr provën e gjallë: në qershor repart ushtarësh serbë do të shkojë në Bjellorusi për ushtrime të përbashkëta trepalëshe me mikpritësin dhe pjesë të ushtrisë ruse. Motoja aq vetëthënëse, “Vëllezëria sllave”, do ta ngazëllejë radikalin Sheshel që tani fërkojë duart me ndjesi triumfi. Ideologjia e tij del nga epruveta e ndaluar dhe niset drejt jetës.
A mund ti dërgohet perëndimit, e pra armiqëve të Moskës, Amerikës veçanërisht, mesazh më qartësisht i lexueshëm?
Në Belgrad nuk kanë fituar besimin popullor pasrendësit e dizajnuar të radikalit të ndërkryer. E ka fituar ai vetë. Ftyra dhe fryma e tij e errtë. Po a është kjo e veçantë dhe e re? Aspak. Kështu ka qenë ndër qindvjeçarë: ëndrra e rajhut serb dhe arma e krimit janë testament i shkruar (Garashanin, Gjorgjeviq, Cvejiq, Andriq) me porosi mallkimi për ata që nuk i ndjejnë në të gjithë dramat politike që vijnë!
Promo
Reklamo këtuLufta Prigozhin - Putin
Më shumëGranit Xhaka 'mbulohet' me para nga Leverkuseni me fitimin e titullit në Bundesligë
Çfarë është përgjysmimi i Bitcoin dhe pse ka rëndësi?
Trajneri i Fiorentinës shkaktoi skandal në Ligën e Konferencës - puthi gazetaren italiane
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
U hodh nga shkëmbi famëkeq në det, por britaniku gjykoi gabimisht: Videoja horror po përhapet në rrjetet sociale
Senzacioni brazilian i futbollit, Endrick dhe e dashura e tij kanë nënshkruar një 'kontratë' lidhjeje me disa klauzola të çuditshme
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel