Njohësit e zhvillimeve politike në Kosovë konsiderojnë se para se të vazhdohet edhe njëherë seanca konstituive në Kuvendin e Kosovës, do të duhej të kishte bisedime e marrëveshje ndërmjet partive politike që të gjendet një zgjidhje dhe të mos ndodhin bllokada në formimin e institucioneve të reja.
Petrit Zogaj, analist dhe drejtor ekzekutiv i organizatës “Fol”, thotë për Radion Evropa e Lirë tha se koalicioni PAN (Partia Demokratike e Kosovës, Aleanca për Ardhmërinë e Kosovës dhe nisma për Kosovën) apo siç thotë ai vet Partia Demokratike e Kosovës është duke bllokuar proceset dhe rrjedhimit duke e futur Kosovën në një krizë politike.
“Nëse nuk krijon shumicë të nevojshme, atëherë do të duhej të hapej dialogu politik me partitë e tjera për t’i bërë institucionet. Në këtë rast hapi i parë është për të konstituuar Kuvendin. Logjika e PAN-it në këtë rast është logjikë bllokuese. Bllokada ka një adresë edhe ajo adresë është PDK-ja, pra PAN-i nuk është, por PDK-ja”, thotë Zogaj.
Ai thekson se veprimet bllokuese ndikojnë në zhvillimin ekonomik të vendit, mirëqenien e qytetarëve dhe natyrisht edhe në politikën e jashtme.
“Logjika bllokuese nga PDK-ja në këtë rast është logjikë që po e dëmton funksionalitetin e një shteti, i cili është duke u testuar vazhdimisht me këto lloj krizash edhe artificiale, po edhe të dirigjuara nga eksponentë politikë, të cilët nuk guxojnë ta shohin veten jashtë pushtetit”, thekson Zogaj.
Analisti tjetër politik, Shkëlzen Maliqi, mendon se nga ajo që shihet në Kuvendin e Kosovës, bllokues të proceseve janë të gjitha partitë politike pjesë e Kuvendit derisa vendosin kushte dhe nuk lëshojnë pe.
Maliqi thotë për Radion Evropa e Lirë, se meqenëse ka vonesa e bllokime në formimin e institucioneve të reja duhet të ketë dialog ndërmjet partive politike.
Ai mendon se për të mos hyrë në një krizë të thellë politike, presidenti i Kosovës, Hashim Thaçi, duhet t’i ftojë partitë politike për të biseduar.
“Iniciativën duhet ta marrë ndoshta presidenti, që të zhvillojë konsultime dhe ta përshpejtojë procesin, sepse nuk ka më kuptim të vonohen ose të kushtëzohen këto dy procese [konstituimi i Kuvendit dhe formimi i Qeverisë]”, vlerëson Maliqi.
Derisa e përjashton mundësinë e zgjedhjeve si një opsion për të dalë nga kjo gjendje, analisti Maliqi thotë se tani edhe mund të ndodhë që koalicionet parazgjedhore të mos jenë ashtu siç kanë qenë deri më tash.
“Është edhe një mundësi tjetër që të shpartallohen këto konfiguracionet parazgjedhore, të kemi një lëvizje të lirë që disa subjekte të ndahen prej koalicioneve paraprake dhe të negociojnë ndërmjet vete ndoshta mund që ndonjë konfiguracion tjetër të japë ose ta bëjë qeverinë”, konsideron Maliqi.
Situata e krijuar në seancën konstituive të Kuvendit të Kosovës, sipas analistëve, burimin e ka në sistemin zgjedhor, i cili vlerësohet se nuk i ka mundësuar asnjërës parti apo koalicion, që të fitojë një shumicë parlamentare.
Pas pothuajse dy muajsh që prej mbajtjes së zgjedhjeve të parakohshme parlamentare në Kosovë, Kuvendi më 3 gusht nisi seancën konstituive.
Në mungesë të deputetëve të koalicionit PAN në vazhdimin e seancës, është shtyrë konstituimi i Kuvendit për të premten, por as të premten deputetët e këtij koalicioni nuk morën pjesë në seancë.
Kuvendi i Kosovës ka njoftuar se pas takimit konsultativ të përfaqësuesve të subjekteve politike parlamentare, është vendosur që një takim i ngjashëm konsultativ, me vazhdimin e seancës konstituive të Kuvendit të mbahet të mërkurën, më 9 gusht.
Përfaqësuesit ndërkombëtarë në Kosovë, kanë thënë se për Kosovën është e rëndësishme që të ketë Kuvend dhe Qeveri funksionale sa më shpejt që është e mundur. /REL/
Lufta Prigozhin - Putin
Më shumëBE-ja mbështet Serbinë për muri - nëse e pengon Kosovën në organizatat ndërkombëtare, do t'i bllokohet procesi i anëtarësimit
Macron ia konfirmon Kurtit mbështetjen për Kosovën në KiE - kërkon formimin e Asociacionit
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Zgjidhen dekanët e rinj në 14 fakultete të Universitetit të Prishtinës
Osmani: Drafti i statutit të Asociacionit do të dërgohet në Gjykatën Kushtetuese
"Nënat e Srebrenicës" falënderojnë presidenten Osmani: Një fjalim i tillë do të mbahet mend ndër breza
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj