0Shares

Fableti i shumëpërfolur i Samsung i cili u shua përkohësisht për shkak të zjarrit që shkaktonte me baterinë, Galaxy Note, përkatësisht varianti 7R do të lansohet në Korenë e Jugut dhe tani duket sikur i njëjti do të debutojë edhe në Kinë.

Tani disa listime për Samsung Galaxy Note 7R janë shfaqur në internet në Kinë dhe duket sikur pajisja do të kushtojë midis 521 dhe 572 dollarëve, në valutën vendore, me kursin aktual të këmbimit.

Fableti është një version i rinovuar i Galaxy Note 7 dhe përmban një bateri më të vogël 3200 mAh, ndërsa versioni origjinal erdhi me një bateri prej 3500 mAh.

Pjesa tjetër e specifikimeve në Galaxy Note 7R janë të njëjta si versioni origjinal i Note 7. Ende nuk ka detaje se në cilat vende të tjera pajisja do të debutojë zyrtarisht. Nëse vjen në tregun tonë, a do ta kishit blerë një të tillë për këtë çmim?

Të Ngjajshme
Shfaq Komentet (0)