Rruga e mallkuar: Autostrada në të cilën shëtisin fantazmat, dëgjohen zëra rrëqethës – kurse vetura juaj mbyllet vetë (Foto/Video)

Wakehurst Parkëay është një autostradë që gjendet në New South Wales në afërsi të Sydney që lidh Sifortin dhe Narabin.

Kur lëvizni në këtë autostradë, fshesat e xhamave befasisht ndalojnë së punuari, ju bllokohen dyert dhe më pas ç’bllokohen vetë, radio fiket ose befasisht i rritet vetë zëri. Gjëra të çuditshme ndodhin në këtë zonë që mbulohet nga errësira totale, transmeton Telegrafi.

Shumë persona që kanë pasur rastin të kalojnë nëpër këtë autostradë, kanë qenë dëshmitarë të fenomeneve të panumërta paranormale, por ajo që konsiderohet më bizarja, është momenti kur ndaleni para një semafori dhe figura e burrit në dritën e gjelbër fillon në mënyrë të pakontrolluar të lëviz, sapo të bëhet ora tre e mëngjesit.

Shumë njerëz pretendojnë se gjatë rrugëtimit të tyre u janë shfaqur para syve dy gra, njëra më e vjetër se tjetra. Sipas tyre, gruaja më e vjetër besohet të jetë një dado nga Skocia e cila ka vdekur para 50 viteve, derisa gruaja më e re e njohur si Kelly ishte vrarë në vitet e 70-ta nën rrethana misterioze.

Megjithatë, Mary Legland ka deklaruar se Kelly dinë të jetë shumë agresive dhe se fantazma e saj akomodohet në karriget e pasme. Por, edhe pse shoferi nuk i thotë të dalë nga vetura, ajo ngadalë i afrohet dhe i pengon derisa është pranë timonit, duke e detyruar të kthehet me shpejtësi dhe ta pësojë keq.

“Para gjashtë viteve ishte hera e parë kur kalova me veturë nëpër atë autostradë, rreth orës 2 pas mesnatës. E kisha përshtypjen se dikush po më frynë në qafë, dhe se po më prek me dorë të ftohtë në kraharor. Më pas e pashë një vajzë të veshur me të bardha që ishte ulur në karriget e pasme”, ka deklaruar Mary.

Gruaja tjetër e prezantuar për Mirror si Samantha, ka deklaruar se ishte duke vozitur veturën nëpër autostradë kur befasisht u paralizua dhe nuk mund të lëvizte duart e këmbët derisa humbi vetëdijen. Por, për fat të mirë në momentin më kritik kur vetura filloi të dalë nga rruga, ajo është këndellur duke shmangur aksidentin që ka mundur të përfundoi me fatalitet.

Lidhur me këtë rrugë të mallkuar dhe gjërave të pashpjegueshme që kanë ndodhur në të, është realizuar edhe një film nga Bianca Biassi. /Telegrafi/