0Shares

Numri i të vdekurve është rritur në 85 nga një sulm me bombë të shtunën në një treg në buzë të Quetta, në Pakistanin jugperëndimor. Policia tha se numri i të plagosurve ishte më i madh se 200.

Shumë viktima ishin shiitë të Hazara-s. Lashkar-E-Jhangvi, një grup suni, është konsideruar përgjegjës për sulmet. Drejtuesit e Partisë Demokratike Hazara (HDP) i kanë dhënë qeverisë 48 orë për të kapur Lashkar-e-Jhangvi, transmeton Rel.

HDP tha se pas përfundimit të afatit, komuniteti Hazara do t’i fillojë protestat anembanë botës. Shi’itët kanë qenë të sulmuar gjithnjë nga grupet militante, të cilët i shohin ata si heretikë dhe jo-myslimanë në këtë vend të dominuar nga myslimanët suni.

Shumë prej shiitëve në Quetta, duke përfshirë të sulmuarit e së shtunës, janë pjesë e Hazaras, një grup etnik që emigruan në Pakistan nga Afganistani, më shumë se një shekull më parë. /Telegrafi/

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)