Aktualisht në Republikën e Kosovës janë rreth 330 persona zyrtarë, të cilët kanë leje për të mbajtur armë.
Një person mund të pajiset me leje për armë nëse është i rrezikuar si dhe nëse është pjesëtar i sigurimit apo punonjës i personave me rëndësi të veçantë për institucionet shtetërore.
Leja për armë merret në Ministrinë e Punëve të Brendshme, por zyrtarë të kësaj të fundit nuk ka treguar se cilët persona publik kanë armë me leje pasi që sipas tyre është dokument i klasifikuar.
E sipas zyrtarëve të Ministrisë së Punëve të Brendshme leja për armë lëshohet vetëm nëse paraqitësi i kërkesës i plotëson kriteret sipas rregullores 04/2012 për armëmbajtje në Kosovë.
Udhëheqës i Divizionit për Armë, Municion dhe Eksploziv në Ministrinë e Punëve të Brendshme, Destan Mustafa, tha për KosovaPress se një person fizik mund të aplikojë për leje të armëmbajtjes vetëm nëse i plotëson arsyet e justifikueshme dhe legjitime.
Sipas tij, leje mund të kërkojë, një person i rrezikuar, i cili është vlerësuar nga Komiteti për Vlerësim të Rrezikut (Policia e Kosovës), si subjekt që i nënshtrohet rrezikut dhe se nuk i është ofruar mbrojtja në asnjë mënyrë tjetër; apo që dëshmon me shkrim një vlerësim të tillë nga ndonjë institucion tjetër të cilit i është dhënë mandati ligjor për një vlerësim të tillë.
Mustafa tregon edhe kriteret që një person duhet t’i plotësojë për të pasur një armë me leje.
“Që një qytetar të marrë një leje për armë duhet që fillimisht të jetë shtetas i Republikës së Kosovës ose i huaj me leje qëndrimi të përhershëm në Republikën e Kosovës, duhet të ketë arritur moshën 21 vjeçare dhe janë disa certifikata që duhet dorëzuar: certifikata që nuk është nën hetime, një vërtetim i Policisë së Kosovës që paraqet të kaluarën e tij kriminale ose penale, duhet të kalojë testin teorik dhe praktik për përdorim të sigurt të armës dhe vërtetimi që nxirret në qendrën për punë sociale i cili vërteton se nuk i është marrë e drejta e veprimit ligjor”, tha Mustafa.
Sipas tij, këto janë kritere të bollshme që vërtetojnë se ai person atë armë do ta përdor vetëm për qëllimin për të cilin edhe ka kërkuar leje.
“Fillimisht nisemi nga ajo se ai person e ka gjendjen e mirë, nuk ka një të kaluar kriminale, është i aftë psiçikisht dhe mendërisht dhe kalon të gjitha testet teorike dhe praktike. Këto janë arsyet që ai person mund të mbajë një armë për arsye të gjahut apo shenjëtarisë sportive. Kjo arsye e shenjëtarisë është rekreacion. Këto janë kritere të bollshme që një person mund të posedojë që të mbajë një armë”, tha Mustafa.
Ndërsa sipas tij kur kanë kërkesa lidhur me sigurinë publike ato raste trajtohen në mënyrë të veçantë.
Përveç numrit rreth 320 lejeve për armë, sipas Mustafës, nga viti 2009 e deri më tani kanë lëshuar rreth 13 mijë lejet për armë gjahu, shenjëtarie dhe koleksionimi.
Rregullorja nr. 04/2012, për Armëmbajtje në Republikën e Kosovës, neni 4 paragrafi 1, thotë se leja për armëmbajtje jepet edhe për “1.2. zyrtarë të Sigurimit që janë punonjës të personave me rëndësi të veçantë për institucionet shtetërore; zyrave, agjencive apo misioneve diplomatike në Republikën e Kosovës, 1.3. kur armëmbajtja është e nevojshme për ruajtjen dhe ngritjen e rendit dhe sigurisë publike dhe në veçanti që lidhet me sigurinë e aeroportit, mbrojtjen e parqeve kombëtare dhe pyjet nacionale”, thuhet në rregulloren për lëshimin e lejeve për armëmbajtje.Në Kosovë janë edhe disa kompani të licencuara që merren me shitjen e armëve dhe kanë poligonin e qitjes.
Njëra ndër to është edhe “Katana”, në Obiliq ku edhe bëhen trajnimet për armë për personat e interesuar.
Osman Hajrizi, nga kjo kompani tregon se numri i qytetarëve për t’u trajnuar me armë zjarri është rritur kohëve të fundit.
“Fatbardhësisht tani kur ligji është në funksion, interesimi është shumë më i madh në krahasim me të kaluarën, sepse normalisht se çdo qytetarë dëshiron të ketë mënyrë legale një armë të cilën e merr për veti në posedim si pasion i ndonjë aspekti të rekreacionit i cili dëshiron ta përdor në poligonin e qitjes për shenjëtari”, tha Hajrizi.
Sipas Policisë së Kosovës nga janari i këtij viti deri në qershor janë 553 raste të konfiskimit të armëve ilegale. Ndërsa, për vitin 2016 Policia e Kosovës ka arritur të konfiskojnë rreth 1.300 armë dhe numër të madh të municionit.
Agjencitë e ndryshme ndërkombëtare në Kosovë kanë raportuar se në duart e qytetarëve të Kosovës janë më shumë se 300 mijë armë ilegale. Para disa ditësh institucionet e Kosovës kanë bërë shkatërrimin e disa armëve të konfiskuara nga Policia.
Lufta Prigozhin - Putin
Më shumëU tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Joseph: Supriza e KS-së ishte se Kosova dhe Rusia u pajtuan për rëndësinë e fushatës ajrore të NATO-s, Putin e ka hedhur Serbinë nën autobus
BE-së i kërkohet largimi i masave sanksionuese ndaj Kosovës, analistët tregojnë se çfarë ndodhë pas procesit që dështoi në veri
Policia serbe ndalon për më shumë se një orë Duda Baljen në Merdar
Momenti kur Osmani i thotë Vuçiqit "Shihi në sy dhe kërkoju falje katër viktimave të krimeve serbe"
"S'ka më punësim të kunatave në MPJD", Gërvalla nënshkruan një vendim
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj