LAJMI I FUNDIT:

Rrëfimi i njeriut, të cilit katër herë i hynë hajnet në shtëpi (Video)

Rrëfimi i njeriut, të cilit katër herë i hynë hajnet në shtëpi (Video)

Arlind Krasniqi nga Kaçaniku ankohet se që nga viti 2004, hajnat i kanë hyrë katër herë në shtëpi, ku i kanë vjedhur gjëra me vlerë.

Ai kritikon Policinë, e cila, sipas tij, nuk ka zbuluar asnjë autor të këtyre rasteve.

“Problemi ynë si familje është që nga viti 2004 që kanë ndodhur vazhdimisht vjedhje. Prej asaj kohe janë diku katër raste të paraqitura në Polici. Dhe deri më tani asgjë nuk është bërë. Hera e fundit është para tri ditë kur na kanë vjedhur dhe na kanë sulmu, na kanë gjuajt me revole”, tha Krasniqi për KALLXO.com.

Vlera e gjërave të vjedhura sipas Krasniqit është rreth 15 mijë euro.

“Në 2004 na kanë vjedhur një gjenerator dhe disa kabllo. Më 2010 na kanë vjedhur një traktor me krejt pajisjet. Më 2013 na kanë vjedh shtëpitë, timen dhe të vëllait. Kemi pasur mysafir nga kurbeti edhe atyre u kanë vjedhur dukat e para”, tha ai.

Arlind Krasniqi tregon se rasti i fundit kur hajnat i janë futur në shtëpi është para pak ditësh.

Në këtë rast Arlindi tregon se hajnat edhe gjuajtën me armë.

Më tutje, Arlind Krasniqi tregon se në të gjitha rastet e kanë njoftuar Policinë, nga e cila kanë marrë përgjigjen se “rastet janë duke u hetuar”.

“Në katër rastet i kemi njoftuar Policinë, është absurd mos me i thirr. Edhe janë vonu qysh vonohen zakonisht, 20-25 minuta. Po problemi është që ende asnjëri rast nuk është zbardhë”, tha ai.

I kontaktuar nga KALLXO.com, zëdhënësi i Policisë së Rajonit të Ferizajt, Agim Gashi, tha se Policia është duke bërë gjithçka për zbardhjen e këtyre rasteve.

Për rastin e vjedhjes së traktorit, i raportuar nga Afrim Krasniqi më 2011, Gashi tha se është dërguar kallëzim penal në Prokurori por se kryerësi nuk është gjetur.

“Rasti vjedhje e rëndë e mbetur në tentativë dhe shkaktim i rrezikut të përgjithshëm, i raportuar më 17.06.2017, është duke u hetuar dhe lidhur me këtë rast është intervistuar një person i dyshuar dhe janë duke vazhduar hetimet”, tha zëdhënësi i Policisë.

Ndërsa, për dy raste të tjera, të raportuara nga Arlind Krasniqi, më 2009 dhe 2011, është ngritur kallëzim penal ndaj të dyshuarit G.V. për rastin e parë dhe ndaj të dyshuarit B.B. për rastin e dytë.

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës

E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës

Lajme
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Lajme
Si do të mund t'i drejtohen kosovarët Gjykatës së Strasburgut?

Si do të mund t'i drejtohen kosovarët Gjykatës së Strasburgut?

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Kalo në kategori