Rrëfehet Ermal Mamaqi: Kam shitur paketa cigaresh kur isha 12 vjeç (Foto)

Këngëtari dhe prezantuesi i njohur Ermal Mamaqi ka qenë i ftuar së fundmi në “Zone e Lirë” përballë Arian Çanit, ku ka rrëfyer disa prej peripecive të shumta që e kanë përcjellur atë gjatë jetës.

Në pyetjen se si ka qenë fëmijëria e showmenit Mamaqi, ai është përgjigjur: “Jam lindur në Tiranë nga dy prindërit Luljeta dhe Drini, babaim im punonte si mercelog ndësa mamaj si eknomiste, gjersa kam edhe një vëlla tjetër Emirin që punon si ekonomis dhe Dj. Unë jam rritur te gjyshja e cila preferonte që çdo ditë të pinte një gotë verë”, tha Mamaqi me sarkazëm.

Lexo po ashtu Ermal Mamaqi: Ja çfarë bëri babi im kur u fejova me Amin

I pyetur më pas se kujt nga prindërit i ka ngjarë që bën kaq shumë humor, ai përgjigjet se e qeshura është gjenetike nga babai dhe gjyshi i tij, ndërsa nënës i ka ngjarë sa i përket të bërit biznes dhe ambicieve.

Ndërsa për periudhën më të vështirë të jetës Ermali thotë se ajo ishte kur e larguan mamanë e tij nga puna, dhe ai u detyrua të shesë paketa cigaresh që në moshën 12 vjeç.

“Kam qenë 12 vjeç, kur fillova të dilja të shisja cigare në rrugë gjatë gjithë ditës në periudhën e verës, afër një dyqani mishi. Ndonjëherë vinte dhe vëllai për të më ndihmuar. Kam pasur dëshirë që në moshë të vogël për të qenë i pavarur. Motivimi fillestar që kam pasur në jetë ka qenë për të ndihmuar familje dhe për të larë borxhet. Jeta ka qenë e vështirë shumë atëherë, edhe pse dhe sot ka ende shumë familje që vuajnë. Ajo që më motivoi më shumë ka qenë ndihma për familjen. Unë u edukova me këtë frymë dhe njeriu duhet të jetë i mirë për familjen e vet”, ka përfunduar Ermali. /Telegrafi/