Republika që kushtoi shumë
“Kosova Republikë, Kosova Republikë”, ishin brohoritjet që dëgjoheshin më shumë se katër dekada më parë nëpër rrugët e Prishtinës, nga masa të gjëra demonstruesish me kërkesën që një territor jo edhe aq i vogël në jug të shtetit të madh jugosllav dhe me një përqindje shumë të madhe të popullsisë etnike shqiptare, kërkonte avancimin e statusit të vendit nga një “pakicë” kombëtare siç pretendonin autoritetet e atëhershme, në njësi të barabartë me republikat tjera në Jugosllavi. Një kërkesë të tillë atëbotë shumë intelektualë shqiptarë brenda dhe jashtë vendit e konsideronin ëndërr që vështirë mund të realizohej, natyrisht duke kuptuar fuqinë e madhe politike që kishte Jugosllavia titiste në arenën ndërkombëtare, po ashtu edhe frikën që ky shtet kishte ndaj Serbisë në të cilën Republikë bënte pjese zyrtarisht edhe Kosova.
Praktikisht, Kosova në atë kohë ishte e mbuluar nga një qeverisje e dhunshme dhe diktatoriale, vetëm me qëllimin që jeta për shqiptarët etnikë që jetonin në këtë vend të bëhej sa më e padurueshme. Dhe, me këto veprime autoritetet serbo-jugosllave synonin të realizonin planet për shfarosje dhe dëbim. Kosova ishte e okupuar nga një qeverisje klasike centraliste e Beogradit ku dominonte çdo element jodemokratik në shoqërinë shumicë shqiptare. Në anën tjetër, pakica serbo-malazeze ishte e privilegjuar nga organet pushtuese dhe sundonte me dorë të hekurt kundër vullnetit të shumicës shqiptare.
Një rol të madh luanin edhe shërbimet sekrete serbo-jugosllave që ishin edhe mekanizma kryesor në persekutimin dhe likuidimin e intelektualëve të shquar shqiptarë. Këto veprime armiqësore kishin një ekzekutor të përbashkët të quajtur UDB. Veprimtaria armiqësore ndaj shqiptarëve të cilët kërkonin në atë kohë vetëm liri dhe barazi me popujt e tjerë ishte sistematike dhe e patolerueshme; fjala “republikë” kushtonte shumë, madje ishte një nocion i censuruar nga instrumentet e pushtetit.
Kërkesa e vendosur e shqiptarëve etnik për barazi nëpërmjet demonstratave dukej se kishte dhënë frytet ka mesi i viteve të ‘70-ta, kur udhëheqja komuniste jugosllave u tregua më tolerante duke i dhënë kështu vendit një vetëqeverisje të gjerë politiko-territoriale më shumë të drejta dhe detyrime ndaj federatës, por jo edhe Republikën që e ndjenin dhe e ëndërronin shqiptarët në Kosovë. Të drejtat politike ishin të barabarta realisht me njësitë tjera përbërëse të shtetit jugosllav, por në fakt mungonte vullneti i përgjithshëm e sidomos i Serbisë për dhënie të statusit të Republikës.
Kështu vazhdoi bashkëjetesa me moton falso të “Bashkim-Vëllazërimit” dhe me politikën tinëzare të Serbisë kundër të drejtave që shqiptarët kishin marrë në emër të federatës. Dridhja më e madhe politike që i dha një jehonë të madhe çështjes kosovare në Jugosllavi shpërtheu si dukej në befasi më 1981 me të njëjtën kërkesë për barazi të plote juridike brenda shtetit, e që nuk ishte marrë parasysh nga autoritetet e kohës. Kjo amulli politike i përcolli kosovarët deri në fund të viteve ‘80-ta kur edhe shteti i cili edhe vet ishte ndërtuar artificialisht u shpërbë.
Dyzet vite më vonë, në rrethana krejtësisht ndryshme shoqërore-politike, nga një brez dhe mentalitet i ri politik, ish-krahina autonome arriti në fund të rrugës së mundimshme dhe realizoi ëndrrën për barazi politike me shtetet tjera, por jo brenda një tutori që e kishte në atëbotë. Në të njëjtin vend ku kishte filluar gjithçka në atë kohë, para pesë viteve përfundoj gjithçka: Kosova e shpalli vetën Republikë, nga përfaqësuesit e popullit, me përkrahje dhe njohje ndërkombëtare, nga aleatët që dikur nuk e njihnin këtë vend në hartën e popujve të robëruar.
Pas pesë viteve, Republika, edhe pse e njohur nga më shumë se nëntëdhjetë shtete të botës, nga më të fuqishmet, ajo vazhdon të konsolidohet si shtet me sfida të mëdha. Por, liria, pavarësia, mirëqenia deri diku ekonomike, pluralizmi politik janë disa nga atributet që sot qytetarët e shtetit të ri i gezojnë në krahasim me të kaluarën e hidhur.
Republika e përfytyruar dikur ishte sinonim i të gjitha të këqijave nga mohimi i të drejtave elementare, si ajo e shprehjes së mendimit, liria politike, përndjekja në baza etnike e politike etj. Megjithatë, sot Republika në kuptimin institucional ka kapacitete të plota qeverisëse; në aspektin formal ajo ka konsoliduar organet e pavarura dhe të mirëfillta që dikur i mungonin, si ato legjislative, ekzekutive dhe gjyqësore, por me defekte të shumta funksionale.
Republika tash përfaqësohet edhe në institucionet ndërkombëtare më shume të karakterit kulturor dhe ekonomik, kuptohet me eksperience të mangët. Republika vazhdon rrugën e saj sfiduese duke kërkuar njohje ndërkombëtare, eksperience në konsolidimin e shtetit, ndihmë për integrime evropiane. Ajo duhet të këtë një qeverisje llogaridhënëse me përgjegjësi politike që shtynë përpara agjendat e shtetit drejt progresit të shumanshëm. Në këtë kohë uniteti politik, bashkëpunimi ndër-njerëzor dhe institucional, luftimi i dukurive devijante shoqërore, investimi në edukim, drejtësi, siguri mund të shpijnë drejt rezultateve pozitive për të mirën e vendit. Natyrisht, barra më e rëndë për të arrit këto suksese u bie institucioneve shtetërore, të cilat kanë mandatin e qytetarëve të Republikës.
Në fund, me rastin e pesë vjetorit të shpalljes së Kosovës, Republikë, të gjithë atyre patriotëve të gjallë e të vdekur që kishin dhe kanë si ideal dhe nostalgji për Republikën, duhet tu bëhet një nder për sakrificën që bënë në jetësimin e Kosovës si Republikë sovrane dhe demokratike në Ballkan.
Promo
Reklamo këtuLufta Prigozhin - Putin
Më shumëSin Boy sulmohet brutalisht në një sallon bukurie, teksa po hynte 'live' në TikTok?
Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”
Pse Mali i Zi votoi kundër Kosovës në KiE, flet Dritan Abazoviq
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Lojtari i Arsenalit merr një 'kontratë rekord' që nuk është parë më parë në Emirates
Lajçak me post të ri nga shtatori
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia