LAJMI I FUNDIT:

Rebelët sirianë avancojnë drejt Rakës

Rebelët sirianë avancojnë drejt Rakës

Rebelët sirianë, të mbështetur nga Shtetet e Bashkuara morën kontrollin e plotë të një baze ajrore nga militantët e Shtetit Islamik, pranë qytetit Raka.

Rikthimi i kontrollit shihet si hap i rëndësishëm në betejën për të dëbuar xhihadistët nga Raka, të cilën e kanë vetëshpallur kryeqytet të tyre.

“Forcat Demokratike Siriane kanë nën kontroll të plotë aeroportin ushtarak Tabqa”, tha zëdhënësi i kësaj aleance, Talal Sello.

Sipas tij, luftëtarët kurdë po vazhdojnë të avancojnë drejt qytetit.

Megjithatë, grupet e të drejtave të njeriut kanë shprehur shqetësime për sigurinë e qytetarëve që jetojnë në zonë.

Vëzhguesi Sirian i të Drejtave të Njeriut tha se sulmet e koalicionit ndërkombëtar kanë vrarë së paku 89 civilë gjatë javës së kaluar.

Rebelët thanë se aeroporti Tabqa tani mund të shfrytëzohet si bazë për sulme në digën Tabqa, e cila kontrollohet nga militantët.

Këta të fundit paralajmëruan se diga mund të plasë si pasojë e sulmeve ajrore, por zyrtarë të koalicionit ndërkombëtarë e mohuan një gjë të tillë, duke thanë se rebelët kanë nën kontroll një kanal shkarkimi, në veri të digës, që mund të shfrytëzohet për të lehtësuar presionin.

“Diga, me sa dimë ne, nuk është dëmtuar në strukturë dhe koalicioni përpiqet të ruajë tërësinë e saj si burim jetik për popullin e Sirisë”, tha një zëdhënës i koalicionit ndërkombëtar, që udhëhiqet nga SHBA-ja.

Kombet e Bashkuara, në anën tjetër, kanë paralajmëruar përmbytje katastrofike në Siri nëse diga Tabqa dëmtohet.

Kjo digë, pos që ka rëndësi strategjike dhe siguron energjinë elektrike në rajon, besohet se shfrytëzohet si seli e Shtetit Islamik, ku liderët e grupit, sipas Pentagonit, bëjnë komplote për sulme jashtë Sirisë.

Baza ajrore Tabqa, ndërkaq, ka rënë nën kontrollin e militantëve islamikë qysh në gusht të vitit 2014. Xhihadistët në atë kohë kanë vrarë rreth 200 ushtarë të qeverisë dhe kanë shpërndarë video të vrasjeve të tyre.

Luftëtarët e Shtetit Islamik, të cilët kanë pushtuar territore të mëdha në Siri dhe Irak në vitin 2014, janë duke u sulmuar tani në dy fronte – përreth Rakës dhe në Mosul, bastionin e tyre të fundit në Irak.

Avionët luftarakë amerikanë po mbështesin misionin e ushtrisë irakiane për të rimarrë Mosulin nga Shteti Islamik.

Mbi 320,000 njerëz janë vrarë në Siri, prejse ka nisur konflikti në mars të vitit 2011, fillimisht me protesta antiqeveritare. /Rel/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Putin thotë se Rusia nuk do të sulmojë NATO-n, por kjo nuk vlen për aeroplanët F-16 që dërgohen në Ukrainë

Putin thotë se Rusia nuk do të sulmojë NATO-n, por kjo nuk vlen për aeroplanët F-16 që dërgohen në Ukrainë

Botë
Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Botë
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Biden thotë se kombet arabe,

Biden thotë se kombet arabe, "të përgatitura për të njohur plotësisht Izraelin" për herë të parë

Botë
Një veprim që ka

Një veprim që ka "fituar zemrat në mbarë botën" - oficeri i sigurisë në Mekë ndihmon pelegrinin me aftësi të kufizuara për të parë Qaben

Botë
Kalo në kategori