0Shares

Prishtinasit triumfoi para shikuesve të vetë kundër Bashkimit me rezultat 81-65.

Prishtinasit pas kësaj fitoreje, kanë marrë epërsinë e serisë finale të Superligës së Kosovës në basketboll.

Dragan Radovic, trajneri i skuadrës së Bashkimit ka folur pas takimit duke thënë se në ndeshjen e katërt do të mundohemi të fitojmë ndërsa prishtinasit me meritë fituan sonte, transmeton telegrafi.

“Sigurisht se nuk do të dorëzohemi deri në fund. Në dy takimet e para kemi treguar se dimë të luajnë dhe kishim mundësi të bëjmë 2-0 ndërsa kjo ka ndikuar në psikologjinë e lojtarëve. Prishtina ka fituar me meritë dhe në pjesën e parë luajti më mirë dhe kjo i solli fitoren. Këtë lojë nuk na shkoj shuti dhe nuk ishin në ditën e tyre basketbollistët”, ka thënë trajneri Dragan Radovic.

Trajneri malazez ka folur edhe rreth lëndimit që pësoi në minutat e fundit basketbollisti Mikaile Tmusic.

“Do ta shohim pas dy ditëve dhe nëse nuk do të luajë, ne do të mundohemi të fitojmë në Prizren”, pohoi Radovic

Edmond Azemi: Do shkojmë për fitore në Prizren Edmond Azemi: Do shkojmë për fitore në Prizren

Kujtojmë se ndeshja e katërt do të zhvillohet në Prizren në ora 19:00 gjersa ekipi që siguron tre fitore shpallet kampion. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)